Cliquer ici pour voir la vidéo.

Banyarwandakazi, Banyarwanda, bavandimwe,

Banyarwanda b’impunzi namwe banyamakuru, 

Mwese ndabaramukije kandi mbifurije amahoro. 

Ni Musomesha Aloys ubasuhuza, umuyobozi n’umuhuza w’Umushinga w’Amahoro, Ubumwe n’Ubwiyunge Nyakuri DVJP, ubwiyunge buyobowe n’Amategeko n’ibiganiro, bunyuze mu Ukuri, Ubutabera n’Imbabazi, umushinga wigenga utabogamiye kuri politiki y’amashyaka n’ubutegetsi, uharanira Politiki Mpuzabanyarwanda n’Ubutabera Mpuza-Nungabantu.

Ubutumwa ngiye kubagezaho ni ubw’uyu mushinga mpagarariye nk’umwe mu banyamuryango b’Impuzamashyirahamwe ya Sosiyete Sivili Nyarwanda CASCR nyiri iyi Radio URUMURI. Kimwe n’uyu mushinga, iyo Mpuzamashyirahamwe nayo yiyemeje kurengera uburenganzira bw’abanyarwanda bwo kuba mu gihugu cyabo, kugisohokamo no kucyinjiramo igihe cyose bashakiye.

Muri iki kiganiro rero nifuje kwibutsa ibiranga muntu wese w’impunzi, no kwerekana by’umwihariko impamvu uyu mwaka 2026 ukwiye kuba uwo GUHUZA abanyarwanda b’impunzi kugirango bagire ubumwe maze bitegure gutaha mu gihugu cyabo.

Impunzi ni muntu ki ? 

Impunzi ni umuntu wese uba hanze y’igihugu cye cy’amavuko bitewe n’ubwoba bufite ishingiro bwo gutotezwa azira ubwoko, idini, ubwenegihugu, kuba umwe mu bagize itsinda runaka cyangwa ibitekerezo bya politiki, n’bindi, kandi kubera ubwo bwoba, akaba adashobora cyangwa adashaka kurengerwa n’amategeko y’icyo gihugu (1). Birumvikana ko igihe cyose icyo uwo muntu yahuze kikiriho atagombye gusubira mu gihugu cye kabone n’ubwo yaba yarabonye ubundi bwenegihugu, kuko ibyo bitavanaho impamvu zamuteye guhunga, bityo bikaba bitabuza ko yongera guhohoterwa no gutotezwa ageze mu gihugu cye. Ibi byabayeho ku banyarwanda benshi. Abanyarwanda b’impunzi mwabonye ubundi bwenegihugu rero ntimukibagirwe ko, mbere y’ubwo bwenegihugu bwanditse mu mpapuro z’ibibaranga, muri impunzi kandi ko mugomba guharanira kuva muri ubwo buhunzi, kuko mutari ba kavukire muri ibyo bihugu mwahungiyemo. Kizito Mihigo yabivuze neza mu ndilimbo ye agira ati:  » Amerika n’Uburayi, Aziya na Oseyaniya, n’bihugu bya Afurika, nibiducumbikire ariko ntitukibagirwe ko turi abana b’U Rwanda ».  

Tariki ya 20 Kamena ni umunsi mpuzamahanga wagenewe impunzi kw’Isi yose, washyizweho n’Umuryango wAbibumye (ONU). Nkuko bitangazwa n’Ishami ry’uwo muryango rishinzwe impunzi – Agence des Nations Unies pour les réfugiés - Uwo munsi Mpuzamahanga w’Impunzi watangiye kwizihizwa ku isi yose kuri iyo tariki mu mwaka wa 2001 ubwo hizirizwaga isabukuru y’imyaka 50 y’Amasezerano yo mu 1951 yerekeye impunzi. Wari warabanje kwitwa Umunsi w’Impunzi w’Afurika mbere y’uko Inama Rusange y’Umuryango w’Abibumbye iwugira ku mugaragaro umunsi mpuzamahanga mu Kuboza 2000 (2).

Uwo mwaka wa 2001 (mu kwezi kumwe kwa Kamena) niwo nanjye natangijemo uyu mushinga DVJP maze nywuha intego yo guharanira ko ubuhunzi bw’abanyarwanda burangira burundu. Niyo mpamvu nawise uw’Ubumwe n’Ubwiyunge Nyakuri kuko aribwo dukeneye kugirango tugire amahoro maze ubwo buhunzi bushobore kurangira koko. Mu bushakashatsi nawukozemo, nasanze ariko ibyo bitashoboka impunzi zitabanje gushyira hamwe ngo zigire ubumwe nyabwo kugirango zifatanye gushaka ibisubizo ku bibazo byateye ubwo buhunzi no kwumvikana uko byashyirwa mu bikorwa. 

Nkuko nabitangaje tariki ya 10/01/2026, ubwo nibutsaga ko kuwa 28/01/26 ari isabukuru ya 65 y’ubutegetsi bwa Repubulika y’U Rwanda yavanyeho Ubwami, navuze ko uyu mwaka wa 2026 ukwiye kuba uw’UBUMWE BW’IMPUNZI Z’ABANYARWANDA. Dore impamvu nemeza ibyo. Iyo turebye amateka ya politiki y’Urwanda muri Repubulika, dusanga :

1. Ubutegetsi bwa MDR-Parmehutu n’ubwa MRND-Muvoma, mu buryo bwa politiki, bwitiriwe abahutu muri iyo Repubulika yavanyeho ingoma Cyami y’abatutsi, bwaramaze imyaka 33 (1961-1994) yose ariko bukananirwa kuvanaho impamvu zitera abanyarwanda kubuhunga.

2. Ubutegetsi bwa FPR-Inkotanyi bwitiriwe abatutsi muri iyo Repubulika nabwo bwavanyeho ubwo butegetsi bwitiriwe abahutu, igihe bamwe muri abo bahutu bari bamaze gukora génocide y’abatutsi bari mu gihugu. Ubwo butegetsi bwa FPR Inkotanyi nabwo mu mwaka umwe (1) gusa buzaba bwujuje imyaka 33 (1994-2027), ariko nabwo bwananiwe gucyemura icyo kibazo cy’ubuhunzi kugeza ubu kuko butarashobora kuvanaho impamvu zateye kandi zigitera abenegihugu guhunga.  

Uretse no kuba ubwo butegetsi bwitirirwa abatutsi muri Repubulika butarahungukije impunzi zose icyo gihe bwajyagaho, na nyuma y’aho bugiriyeho hari abandi banyarwanda benshi bitwa abatutsi babuhunze, biyongera ku bandi benshi cyane bahoze muri bwa butegetsi bwitiriwe abahutu bwatsinzwe mu ntambara ya 1990-1994.

Nubwo abayoboke ba FPR-Inkotanyi bari hanze y’igihugu mbere ya 1994 bari barahunze ubutegetsi bwa Repubulika; bamaze gutera iyo ntambara no gufata ubutegetsi, ntibavanyeho iyo Repubulika ngo bagarure UBWAMI n’UMWAMI KIGERI WA V NDAHINDURWA mu Rwanda. Nta nubwo bashyizeho UBWAMI BUSHINGIYE KW’ITEGEKO NSHINGA mu gifaransa bita « Monarchie constitutionnelle« . Ahubwo bemeye gukumishaho inzego za Repubulika uko bayisanze. Bisobanuye rero ko nabo bemeye ko kuvanaho Ubwami byari bifite ishingiro, kabone nubwo hari imigenzo cyangwa imikorere imwe n’imwe y’ubutegetsi bwa FPR-Inkotanyi isa n’iyahozeho mu gihe cy’Ubwami. Muri politiki y’igihugu cy’U Rwanda, iyi ngingo irakomeye cyane kuko, kubera iyo mpamvu, nyuma y’imyaka 32 y’ubwo butegetsi bwitirirwa abatutsi buriho ubu, nta muyoboke wabwo wakwihandagaza ngo avuge ku mugaragaro ko Ubwami bukwiye kugaruka, maze ngo ijwi rye ribe ryakwumvikana. Ntibishoboka kuko gusobanura impamvu abivuze ubu nyuma y’iyo myaka yose, byamugora ! Ngicyo ikintu nibura abahutu n’abatutsi bahuriraho muri politiki ! 

Ikibazo gisigaye rero kikaba ari icyo kumenya UBUNDI UBUTEGETSI BUZASHOBORA GUHUZA NO KUBANISHA NEZA ABANYARWANDA MU GIHUGU CYABO, nta n’umwe uri hanze yacyo yitwa impunzi. Iki ni ikibazo gikwiye kubonerwa igisubizo mbere na mbere muri wa MURYANGO W’UBUMWE BW’ABANYARWANDA B’IMPUNZI nasabye ko watangizwa n’abanyamakuru bigenga bakawubera ABAHUZA.

Ibitekerezo kuri icyo gisubizo nabitangaje kuri site internet y’uyu mushinga  »projet-dvjp.net », kuri chaîne youtube yawo, kuri Radio URUMURI ya CASCR (Impuzamashyirahamwe ya Sosiyete Sivile Nyarwanda) na chaîne youtube yayo mu biganiro byinshi, no mu bitabo 3 nanditse : 1°. Plaidoyer pour le Droit de la Réconciliation (2001); 2°. RWANDA : Imperuka y’Ubuhunzi, Inkuru Nziza y’Ubwiyunge Nyakuri (2022); 3°. LUMIERE DU MONDE : Pardon authentique et Justice de réconciliation pour la foi en l’humanité (2023). 

3. Uyu mwaka 2026 ni uwo guhuza izo mpunzi zose zikumva neza ko icyo zihuriyeho ari ubwo buhunzi, kuko nta munyepolitiki uzongera kubeshya impunzi z’abanyarwanda ko azakoresha ubuhutu, ubututsi cyangwa ubutwa bwabo kugirango zitahe mu Rwanda. Ubumwe bw’abahutu, abatutsi n’abatwa muri politiki ntibushoboka kubera ko ku rugamba rw’amahoro abanyepolitiki bakoresheje ayo ngirwamoko bose baratsinzwe kuko ubutegetsi bwabo bwasumbanyije abanyarwanda, burabateranya kandi burabatanya, ndetse burabica ! Ubumwe bw’abanyarwanda rero ni bwo bwonyine bushoboka. 

Tariki ya 20 Kamena 2026, kw’isabukuru y’imyaka 25 y’uwo munsi w’impunzi kw’Isi yose, hagombye kwizizihizwa ubumwe bw’abanyarwanda b’impunzi bakagaragariza amahanga yose, bose hamwe, ko bashaka gutaha, ubutazongera kwitwa impunzi, kandi bakerekana n’ibikwiye gukorwa kugirango ibyo bishoboke !

Nifurije impunzi z’abanyarwanda mwese guharanira ubwo bumwe kuko aribwo buzabavana mu buhunzi kuko Imana izabiha umugisha. 

Ibibazo bidasanzwe bicyemurwa n’umuti udasanzwe kandi impinduka nziza ikorwa n’ibitekerezo bishya !

Murakoze mugire amahoro, muhorane Imana.

(1)  »Un réfugié est une personne qui, craignant avec raison d’être persécutée pour des raisons de race, de religion, de nationalité, d’appartenance à un certain groupe social ou d’opinions politiques, se trouve hors de son pays d’origine et ne peut ou ne veut, du fait de cette crainte, s’en réclamer de la protection.

Source : https://www.google.com/search?client=firefox-b-d&q=qui+est+r%C3%A9fugi%C3%A9+selon+la+cinvention+sur+le+statut+des+r%C3%A9fugi%C3%A9s

(2)  »La Journée mondiale des réfugiés est célébrée chaque année le 20 juin et est dédiée aux réfugiés du monde entier. La Journée mondiale des réfugiés a été célébrée pour la première fois à l’échelle mondiale le 20 juin 2001 afin de commémorer le 50e anniversaire de la Convention de 1951 relative au statut des réfugiés. Elle était initialement connue sous le nom de Journée africaine des réfugiés, avant que l’Assemblée générale des Nations Unies ne la désigne officiellement comme journée internationale en décembre 2000 ».

Source : (https://www.unhcr.org/fr/comment-nous-aider/agir-aux-cotes-du-hcr/journee-mondiale-du-refugie). 

Banyarwandakazi, Banyarwanda, bavandimwe, namwe nshuti z’abenegihugu cy’U Rwanda, ndabaramukije kandi mbifurije amahoro. Ni MUSOMESHA Aloys ubasuhuza.

Nifuje kubagezaho ubu butumwa bw’Impuzamashyirahamwe ya Sosiyete Sivile Nyarwanda CASCR mbereye umuyobozi.

Ndagira nti : ABISHYIZE HAMWE BAJYA INAMA IMANA IRABASANGA

• Iyo Mpuzamashyirahamwe igamije iki ?

Umuryango CASCR ugamije guhuza imbaraga no gukorera hamwe kw’amashyirahamwe y’abanyarwanda atari aya politiki n’abandi bantu ku giti cyabo badakora politiki y’ubutegetsi bw’igihugu cy’U Rwanda. Wiyemeje kurengera uburenganzira bw’abaturage n’inyungu zabo ; utanga ibisubizo ku bibazo birebana n’umubano, ubukungu, politiki n’umuco ku Rwanda, iby’ibanze bikaba ibyo kurangiza ubuhunzi mu bwisanzure hagamijwe kugarura ubumwe n’amahoro muri icyo gihugu. Uyu muryango urengera kandi uburenganzira bw’abanyarwanda bwo kujya mu gihugu cyabo cy’Urwanda, kugituramo no kugisohokamo igihe cyose bashakiye.

Iyi Mpuzamashyirahamwe ifite intego yo kworohereza abanyamuryango bayo mu kurangiza imilimo bahuriyeho. Ibyo bituma ibikorwa byabo biyoborwa neza, mu gihe cya ngombwa, bikanatanga icyizere mu buryo bwo gukora bwihuse no mu bufatanye hakoreshejwe ibiganiro bihoraho kandi binyuze mu kwizerana kw’abenegihugu. Muri ubwo buryo, iyo mishinga iyoborwa neza mu nyungu za Rubanda rwose.

• Ubutumwa bw’iyo Mpuzamashyirahamwe ni ubuhe rero ? 

Ubutumwa bw’iyi Mpuzamashyirahamwe bugenewe rero imiryango iregengera uburenganzira bwa muntu n’umuco nyarwanda, ubutabera, ubumwe n’ubwiyunge nyakuri, hamwe n’abanyamakuru n’abandi bose baharanira demukarasi muri Sosiyete sivile. Ubu butumwa bugenewe kandi n’abaturage bo mu bindi bihugu bifuriza amahoro abanyarwanda, nkuko natwe tuyabifuriza.  Turabasaba mwese GUFATANYA natwe no gushyigikira ibikorwa by’uyu muryango CASCR, bityo TUGAHUZA IMBARAGA ZACU MU GUKORERA HAMWE kugirango TUGIRE INGUFU zo kurengera abenegihugu cy’U Rwanda aho bari hose kw’Isi. By’umwihariko, ni ngombwa kuvuganira impunzi z’abanyarwanda no gushakira hamwe ibisubizo ku bibazo byateye ubwo buhunzi kugirango zitahuke kandi ubwo buhunzi burangire burundu. Ibyo bisubizo ni byo abanyepolitiki bagomba gushingiraho ubutegetsi bwose baharanira kujyaho kuko nyine ubwo butegetsi ari ubwa RUBANDA.

Tubifurije mwese ikaze muri uyu muryango mugari wa Sosiyete sivile nyarwanda.

Mushatse kuba abanyamuryango, kudushyigikira no kudutera inkunga, mwatwandikira kuri e-mail  : ccscrinfo@gmail.com

Mbaye mbashimiye, mugire amahoro, muhorane Imana.

HABONETSE ABAHUZA B’UMURYANGO W’UBUMWE BW’IMPUNZI Z’ABANYARWANDA ? IYO YABA ARI INKURU NZIZA !

Banyarwandakazi, Banyarwanda b’impunzi namwe banyamakuru mwese ndabaramukije kandi mbifurije amahoro.

Ni Musomesha Aloys ubasuhuza, umuyobozi n’umuhuza w’Umushinga w’Amahoro, Ubumwe n’Ubwiyunge Nyakuri DVJP, ubwiyunge buyobowe n’Amategeko n’ibiganiro, bunyuze mu Ukuri, Ubutabera n’Imbabazi, umushinga wigenga utabogamiye kuri politiki y’amashyaka n’ubutegetsi, uharanira Politiki Mpuzabanyarwanda n’Ubutabera Mpuza-Nungabantu. Uwo mushinga ukora ubushakashatsi ku bwiyunge kuva 2001, ukaba ari umwe mu banyamuryango b’Impuzamashyirahamwe ya Sosiyete Sivili Nyarwanda CASCR nyiri iyi Radio URUMURI

Nishimiye kubakira muri iki kiganiro nahaye umutwe ugira uti : Abanyamakuru bafite ububasha bwo guhuza impunzi z’abanyarwanda

Muri iki kiganiro ngarutse gusobanura impamvu ngikomeza gusaba ko ibiganiro by’impunzi biyoborwa n’abanyamakuru.

Nyuma yo gutangaza ikiganiro giheruka kuri iyi ngingo, ubwo nagiraga nti  »NIDUTABAZE ABANYAMAKURU BATABARE IMPUNZI Z’ABANYARWANDA, bamwe mu bagikurikiye bansabye gusobanura impamvu z’iki gitekerezo, kandi nyamara rwose muri icyo kiganiro nagerageje kuzisobanura. Ariko muri iki kiganiro ngiye kuzinonosora.

Muri icyo gitekerezo nasabye ko abanyamakuru bashyira hamwe maze bagafasha abanyarwanda b’impunzi gutangiza ibiganiro hagati yabo.

I. Icyo uyu muryango atari cyo

1. Umuryango w’ubumwe bw’impunzi ntabwo ari uw’amashyirahamwe yiswe amashyaka ya politiki akorera hanze y’U Rwanda, kuko impunzi zose zitari muri ayo mashyaka. Ntabwo ari umuryango wo guhuza abanyepolitiki ba opposition bari mu buhungiro cyangwa amashyaka yabo. Nta nubwo ari uwo guhuza amashyirahamwe ya politiki n’aya sosiyete sivili.

Kubera iyo mpamvu, uwo muryango rero ntukwiye kuyoborwa n’abanyepolitiki bo mu mashyirahamwe yiswe amashyaka. Iyo mpamvu kandi niyo yatumye ntanga igitekerezo cy’uko ibiganiro by’impunzi bikwiye kuyoborwa n’abanyamakuru bigenga bo muri sosiyete sivili. Ibi bihuye n’ibyo nakunze kwandika no kuvuga mu biganiro ngira nti : muri politiki, Sosiyete sivili yigenga ni yo ikwiye kuba umuhuza w’abanyarwanda.

2. Umuryango w’ubumwe bw’impunzi kandi ntabwo ari uwo guhuza abahutu, abatutsi n’abatwa bari hanze y’URwanda kuko impunzi zose zitibonamo  ayo ngirwamoko. Cyane ko ayo ngirwamoko yakoreshejwe mu gutanya abanyarwanda nyine. Ntabwo ari umuryango wo kurengera abahutu, abatutsi cyangwa se abatwa bari hanze y’igihugu nk’impunzi cyangwa se abari mu gihugu kubera akarengane gashingiye kuri ayo ngirwamoko bakorerwa. Oya ntabwo uwo muryango ushingiye kuri ayo ngirwamoko ya politiki. Ntabwo ari kimwe n’indi miryango twakunze kwumva irengera kandi ihuza bamwe basangiye ingirwabwoko bumwe ariko ikarenganya kandi igaheza abandi. 

Turabizi neza ko, mu mateka y’igihugu cy’U Rwanda, abategetsi bashingiye politiki yabo ku buhutu ari n’abayishingiye ku bututsi, bose ntibashoboye kurangiza ikibazo cy’ubuhunzi. Niyo mpamvu iyo politiki igomba guhinduka.

3. Umuryango w’ubumwe bw’impunzi ntabwo ari uwo guhuza kandi abo banyarwanda kubera inkomoko zabo (abokomoka mu majyaruguru, mu majyepfo, cyangwa hagati y’URwanda; abahoze ari impunzi mbere ya 1994 n’abari mu gihugu mbere y’uwo mwaka, …..). Inkotanyi za FPR zahujwe n’ubututsi kandi zikoresha akarengane k’abatutsi mu gukora intambara mu Rwanda no muri Repubulika iharanira Demokarasi ya Congo, niyo mpamvu zitashoboye guhuza abanyarwanda no kurangiza ubuhunzi. Na n’ubu nyuma y’imyaka irenga 30 intambara ya 1990-94 irangiye, ako karengane abatutsi bakorewe na bamwe mu bahutu muri génocide ni ko abategetsi bashingiraho politiki y’ubutegetsi bwabo. Kimwe n’uko abanyepolitiki b’ishyaka rya MDR Parmehutu n’irya MRND bashingiye ubutegetsi bwabo ku karengane abahutu bakorewe n’ingoma y’Ubwami mbere y’uko himikwa Repubulika. GATEBE GATOKI !

Nyuma y’izo politiki zirengera bamwe mu banyarwanda zikarenganya abandi, ducyeneye politiki irengera kandi igahuza bose.

II. Icyo uyu muryango ari cyo.

1. Ni umuryango wa politiki mpuzabanyarwanda yo guhuza impunzi no kuzihuza n’abanyarwanda bari mu Rwanda. Iyo politiki ntiyigeze ibaho muri Repubulika. Ntabwo rero ari umuryango wa politiki igamije ubutegetsi bw’igihugu. Ahubwo ni umuryango w’impunzi zose z’abanyarwanda, baba abari mu mashyaka n’abatayarimo.

Intego y’uwo muryango ni uguharanira uko impamvu zateye kandi zigitera ubuhunzi bwabo zivaho kugirango zitahuke, hashingiwe ku mategeko y’Imana n’amategeko mpuzamahanga arengera uburenganzira bw’ikiremwamuntu.

2. Ni umuryango ugamije kurengera uburenganzira ku munyarwanda wese bwo kuba mu gihugu cye. Gutahuka kw’izo mpunzi rero ntibigombera imishyikirano ya politiki yo kugabana imyanya y’ubutegetsi kuko atari bwo mbere na mbere zishaka. Ikigomba gukorwa mu mwanya w’iyo mishyikirano, ni ukuganira uburyo impamvu zose zateye ubuhunzi zivaho, bakabibonera ibisubizo.

Ni yo mpamvu abategetsi b’U Rwanda ari bo bafite inshingano zo kuvanaho impamvu zose zateye kandi zigitera ubuhunzi kugirango abanyarwanda b’impunzi bose batahe, kuko umunyarwanda wese afite uburenganzira ndakuka bwo kuba mu gihugu cye. Ariko byarabananiye. Ayo makosa abategetsi bakoze kuva kera kugeza ubu yo kudashobora guhuza banyarwanda bose mu gihugu, agomba gukosorwa byihutirwa.

Kubera ko izo nshingango abategetsi b’U Rwanda batazubahirije, ni imwe mu mpamvu zatumye muri uyu mushinga DVJP ntanga igitekerezo cyo kuvanaho inzego za Repubulika uko twayihawe n’abakoloni kugirango twubake bundi bushya iyo Repubulika mu buryo buberanye n’umuco nyarwanda. Kandi ibi ntibyashoboka abanyarwanda bose batari mu gihugu ngo babigiremo uruhare. 

3. Ni umuryango ugendera ku mategeko n’amahame y’uburenganzirwa bwa muntu, ugamije gucyemura ibibazo by’ubuhunzi binyuze mu biganiro.

Umuryango w’ubumwe bw’impunzi ntugira ibara rya politiki

III. Kuki abanyamakuru ari bo bakwiye kuba abahuza b’impunzi ?

1. Kuko ari bo bafitiwe icyizere kubera impamvu zikurikira :

- umwuga wabo nta mupaka ugira

- abanyamakuru barigenga kuko bari muri société civile, ntibakora politiki igamije ubutegetsi bityo bakaba nta ruhande rwayo babogamiyeho.

- barengera kandi bavuganira Rubanda aho bari hose : ni ijisho rya Rubanda. Intwaro yabo ni micro n’amategeko

2. Abanyamakuru bafite ububasha bwo gutumiza no kubaza abanyarwanda b’impunzi icyo bashaka, bahuriye mu biganiro. C’est le 4ème pouvoir.

IV. Iyi crise politiki impunzi zirimo irasaba ibisubizo bya politiki bidasanzwe. Nkuko nkunze kubivuga mu bindi biganiro no mu nyandiko zinyuranye, UKU KUDOHOKA KW’ABANYEPOLITIKI kuragaragaza neza ko ari ngombwa guhindura uburyo bwo gukora politiki kubera ko bateshutse ku nshingano zabo, haba mu Rwanda haba no hanze yarwo, kuko batashoboye guhuza abanyarwanda mu gihugu cyabo.

Ni ngombwa rero KO DUHINDURA SYSTEME POLITIKI N’AMATEGEKO Y’IGIHUGU CY’U RWANDA kugirango impunzi zitahuke. Gute ?

Ibi byose ni byo bigomba kuganirwaho n’uwo muryango w’ubumwe bw’impunzi.

V. ABANYARWANDA NITUREKE KURANGARIRA IMISHYIKIRANO Y’ABANYEPOLITIKI KU BIBAZO BYO MURI CONGO NGO TWIBAGIRWE IBIBAZO BY’IMPUNZI, kuko atari bo bazabyiga. Amasezerano yasinyiwe i Washington kuwa 4 Ukuboza 2025 hagati y’U Rwanda na RDC ubwayo arabigaragaza kuko nayo atashoboye no gucyemura ibibazo by’impunzi z’abanyarwanda ziri muri icyo gihugu.

Niyo mpamvu rero hagomba kubaho ibindi biganiro !

Abanyamakuru rero bakwiye gguhura kugirango batangize ibyo biganiro biganiro by’impunzi z’abanyarwanda.

IMPINDUKA NZIZA IKORWA N’IBITEKEREZO BISHYA !

Cliquer ici pour voir la vidéo.

Ikibazo cy’ubuhunzi bw’abanyarwanda ni ingorabahizi. Iyo twitegereje amateka y’igihugu cyacu cy’U Rwanda, tubona ko byatunaniye kukibonera umuti. Ari abanyepoliki bo mu mashyaka, ari abasilikare, ari abasilikare b’abanyepolitiki, ingufu zabo ntizashoboye kurangiza icyo kibazo. Bose byarabananiye. None tubigenze dute ? Abandi bazacyemura icyo kibazo ni bande ? Bazakoresha izihe ngufu, mu buhe buryo ? Muri iki kiganiro, turumvamo ibitekerezo bishya kandi bikomeye bikwiye gufasha abanyarwanda gukora impinduka nziza yo kurangiza noneho ubuhunzi burundu kandi mu mahoro.

Mu gice cya kabiri cy’iki kiganiro, abatumirwa barasobanura impamvu babona ko ubumwe bw’impunzi buramutse bugezweho bwaba intango y’impinduka ikenewe muri iki gihe; ndetse akaba ari n’intango yo kwubaka umuryango nyarwanda wasenyutse, bityo ubumwe bw’abanyarwanda bukagerwaho nta shiti. Ese niba nta bumwe buri mu banyarwanda bwashenywe n’iki ? Ese bisaba iki ngo ubwo bumwe bugerweho ?

Cliquer ici pour voir la vidéo.

Bonjour cher(e)s auditrices et auditeurs, et bienvenus dans cette 3ème partie de l’émission RWANDA : LUMIERE DE LA VRAIE RECONCILIATION qui vous est présentée par MUSOMESHA Aloys, médiateur responsable du Projet DVJP, Guide de la Réconciliation pour la Paix par le Droit, la Vérité, la Justice et le Pardon.

Je rappelle que dans 1ère partie j’avais présenté un bref résumé du livre que j’ai publié en janvier 2022 sur la fin de l’exil des rwandais. Et, dans la 2ème partie j’ai lancé un appel pour la prise de conscience du fait qu’il est nécessaire de travailler sur le thème des droits humains et la réconciliation pour la résolution et la prévention des conflits. C’est pourquoi aujourd’hui je viens vous parler de la médiation, un nouveau modèle de justice qui favorise cette réconciliation.

La justice de la médiation restaure la confiance

Dans un conflit quelconque, la rupture des relations entre les personnes se manifeste souvent par la suspicion et la méfiance. Quand le différend qui les oppose est porté en justice devant les juges et que le jugement est rendu, la partie qui perd le procès garde toujours rancune contre son adversaire gagnant. L’instance judiciaire ne facilite donc pas le dialogue entre les parties, puisque cela n’est pas son rôle. Le travail des juges ne peut donc pas restaurer la confiance entre les justiciables. Le juge décide celui qui a tort ou raison en se référant aux lois en vigueur qu’il doit appliquer dans le cas d’espèce qui lui est soumis.

La médiation, elle, est un mode complémentaire de règlement des différends qui permet aux parties de renouer la communication qu’elles ont rompue et de rétablir aussi les liens sociaux. C’est un processus qui ouvre un espace neutre, situé au milieu des parties, dans lequel celles-ci peuvent s’exprimer librement, révéler dans la discrétion les choses qu’elles ont cachées – ou peuvent cacher – aux juges et même à leurs avocats, cela grâce à la méthodologie du médiateur. Au fur et à mesure que le processus de médiation avance, la méfiance s’estompe et la vérité s’installe tout doucement.

On peut donc affirmer que le mensonge est le pire ennemi de la confiance. Les parties choisissent un médiateur parce qu’elles ont confiance en lui, de part les bonnes qualités liées à sa fonction – la neutralité, l’écoute, l’impartialité, l’indépendance, la discrétion – et la confidentialité du processus de médiation. Le médiateur doit donc s’assurer d’avoir l’entière confiance des protagonistes qui, par leur soif de paix, l’encouragent dans sa tâche. Il garde aussi sa confiance à leur égard : il croit en leur capacité et leur volonté de s’approprier le conflit pour trouver un accord [1]. Dans toutes les cultures, on peut recourir à la médiation pour tous les types de conflit. Comme la justice ordinaire, il existe donc plusieurs types de médiation, suivant les différents domaines de la vie sociale et les conflits en cause. La médiation peut être civile, familiale, pénale, sociale, scolaire, locale, politique, administrative, etc.

Cas du Rwanda

Le Projet pour la Réconciliation et la Paix DVJP[2] propose à la communauté rwandaise son programme « Médiation & Justice réparatrice » pour qu’elle puisse résoudre, notamment, ses conflits ethnopolitiques. En effet, il existe, entre certains rwandais, un climat de suspicion (urwikekwe) et de méfiance (ukutizerana, kwishishanya), qui est alimenté par les préjugés liés à la différence des fausses ethnies Hutu-Tutsi-Twa, des mouvances politiques ou d’opinions en rapport à la responsabilité, dans les drames rwandais, des membres de leurs groupes respectifs. Cette diversité devient une source de mésentente au lieu de favoriser la cohabitation. Comment comprendre cela ?

Il faut constater que depuis plusieurs années, certains rwandais, tous groupes ethnopolitiques confondus, ont été impliqués, d’une manière ou d’une autre, dans les délits et les crimes à caractère ethnopolitique, mais n’ont jamais été poursuivis par la justice. Parce qu’ils ont été protégés par le pouvoir politique qui approuvait manifestement leurs actes, même avec des voies légales. Les exemples sont nombreux. Encore aujourd’hui, les victimes ne peuvent pas oser dénoncer ces individus, par peur des représailles ou parce que ces poursuites, avec le système toujours en vigueur, n’aboutiront à rien. Les responsables de ces actes délictueux ou criminels, n’ayant pas reconnu le mal qu’ils ont fait, se méfient aussi de leurs victimes parce qu’ils craignent qu’elles pourront se venger un jour ou l’autre. D’autres rwandais, manipulés par des idéologies politiques discriminatoires, avec des préjugés racistes ou « ethnistes », ne se rendent pas compte de leur complicité tacite avec les responsables de ce système qui divise leurs compatriotes. Ils manquent le courage de résister à cette manipulation et n’ont pas l’inquiétude qu’ils pourront être poursuivis en justice. Cette injustice divise encore le peuple rwandais et mécontente les victimes. Celles-ci, par résignation, choisissent le désespoir.

Comment, dans de telles situations, sans connaître la vérité, ces victimes peuvent faire confiance à la justice – influencée à son tour par la politique – et se réconcilier vraiment avec leurs bourreaux ? Il faut avouer que cela est très difficile, voire même impossible dans ce système actuel.

Comment pouvons-nous alors contribuer au changement de ce système qui divise ? On peut éviter que cette situation perdure en envisageant d’autres solutions pour préparer un meilleur avenir des générations futures. Il ne faut pas fuir nos responsabilités en prétendant que ce sont ces nouvelles générations qui trouveront des solutions plus tard à nos différends qu’ils auront hérités. Peut-être que nos parents et nos ancêtres disaient cela aussi ! Au moins, nos descendants termineront le projet que nous aurons commencé.

Osons donc accepter de faire un examen de conscience et changer ces mauvaises mentalités. La société civile et les cultes doivent jouer un rôle important. Il ne faut pas tout attendre des juges – nationaux ou internationaux – et des politiciens. Les juges ne peuvent pas s’occuper de tous les conflits ni rétablir la confiance entre les protagonistes et les politiciens ne règlent pas les affaires de la justice. Chaque citoyen devrait participer activement à l’établissement d’une bonne justice pour tous et la médiation est l’un des meilleurs moyens d’y parvenir. Le peuple rwandais doit croire qu’il est capable de régler lui-même ses conflits. Des groupes ou des associations peuvent organiser des espaces communautaires de dialogue où les membres discutent librement, avec franchise et sérénité, des causes qui sont à l’origine de ces tensions ethnopolitiques [3]. Un travail totalement indépendant de celui des instances judiciaires et politiques, mais complémentaire.

A travers le dialogue et la médiation, les victimes découvriront la vérité. Pour cela, ce projet DVJP appelle à une mobilisation apolitique des citoyens pour qu’ils s’engagent à lutter contre l’intolérance et à promouvoir la culture de la paix, en vue de créer un nouveau système juridique et politique, efficace et moderne, qui encourage et favorise le respect mutuel, rétablit la vérité par la communication, le dialogue et le climat de confiance au sein de la communauté rwandaise.

Même si, comme tous les autres peuples ayant été colonisés, la justice traditionnelle rwandaise a été « modernisée » par des règles juridiques issues des cultures étrangères de la civilisation occidentale, il faut regretter que la médiation a été écartée du système interne en tant que mode de règlement des conflits qui, pourtant, tenait compte de la vie communautaire. Depuis bien des années, la justice des juges et les droits humains universels, sont en crise. Une crise grave. Il faut le reconnaître. Pour faire face à cette crise du système, il faut, dans la modernité, restaurer cette institution de la médiation pour retrouver la vraie justice et la réconciliation authentique pour tous.

A ce sujet, dans sa Déclaration des principes fondamentaux de justice relatifs aux victimes de la criminalité et aux victimes d’abus de pouvoir, adoptée dans sa résolution 40/34 du 29 novembre 1985, l’ONU recommande d’ailleurs que « les moyens non judiciaires de règlements des différends, y compris la médiation, l’arbitrage et les pratiques de droits coutumiers ou les pratiques autochtones de justice, doivent être utilisés, s’il y a lieu, pour faciliter la conciliation et obtenir réparation pour les victimes. »[3]

En cas de violation des droits humains, il est essentiel que ces derniers soient renforcés par les droits à la réconciliation pour que l’individu ne soit pas contraint de recourir à la révolte, à la vengeance ou à la récidive.

Je vous remercie pour votre aimable attention. Que la paix soit avec vous !

[1]    Pour plus d’informations, lire aussi : MUSOMESHA A., La confiance par le processus de médiation, travail réalisé pour la spécialisation en médiation pénale, scolaire et locale, UCL/FUSL, Bruxelles, 2010.

[2]    Projet pour la Paix et la Réconciliation par le Droit, la Vérité, la Justice et le Pardon – Umushinga w’ubwiyunge bunyuze mu mategeko, mu kuri, mu butabera n’imbabazi. Son programme: Médiation et Justice réparatrice – Gahunda y’ubutabera buhuza abantu bukanabunga – avec le sigle  »R » symbolisant la Réconciliation, poursuit trois objectifs: la Réparation de la victime, la  Responsabilisation de l’auteur et le Rétablissement de la paix sociale. Les valeurs essentielles de la justice réparatrice sont l’humilité et le respect.

[3]      Déclaration des principes fondamentaux de justice relatifs aux victimes de la criminalité et aux victimes d’abus de pouvoir, adoptée par l’Assemblée Générale des Nations Unies dans sa résolution 40/34 du 29 novembre 1985. Voir aussi: Office des N.U. sur la drogue et le crime, Manuel sur les programmes de justice restauratrice, 2008, page10.; la Résolution E/2002/30 du Conseil économique et social des N.U., les Principes fondamentaux relatifs au recours à des programmes de justice réparatrice en matière pénale, 2002

Muri iki gice cya gatanu cy’ikiganiro ku buyobozi n’inzego nshya z’igihugu cy’U Rwanda, abanyarumuri barerekana imikorere mibi y’urwego rushyiraho amategeko (pouvoir législatif) n’uruyubahiriza (pouvoir exécutif). Baranenga imikorere mibi y’amashyaka akoresha izo nzego bavuga ko urwego nyubahirizamategeko rufite ingufu nyinshi kurusha izindi zose, ibyo bikaba ari imwe mu mpamvu zituma tugira ubutegetsi bw’igitugu.