Cliquer ici pour voir la vidéo.

Banyarwandakazi, Banyarwanda, bavandimwe,

Banyarwanda b’impunzi namwe banyamakuru, 

Mwese ndabaramukije kandi mbifurije amahoro. 

Ni Musomesha Aloys ubasuhuza, umuyobozi n’umuhuza w’Umushinga w’Amahoro, Ubumwe n’Ubwiyunge Nyakuri DVJP, ubwiyunge buyobowe n’Amategeko n’ibiganiro, bunyuze mu Ukuri, Ubutabera n’Imbabazi, umushinga wigenga utabogamiye kuri politiki y’amashyaka n’ubutegetsi, uharanira Politiki Mpuzabanyarwanda n’Ubutabera Mpuza-Nungabantu.

Ubutumwa ngiye kubagezaho ni ubw’uyu mushinga mpagarariye nk’umwe mu banyamuryango b’Impuzamashyirahamwe ya Sosiyete Sivili Nyarwanda CASCR nyiri iyi Radio URUMURI. Kimwe n’uyu mushinga, iyo Mpuzamashyirahamwe nayo yiyemeje kurengera uburenganzira bw’abanyarwanda bwo kuba mu gihugu cyabo, kugisohokamo no kucyinjiramo igihe cyose bashakiye.

Muri iki kiganiro rero nifuje kwibutsa ibiranga muntu wese w’impunzi, no kwerekana by’umwihariko impamvu uyu mwaka 2026 ukwiye kuba uwo GUHUZA abanyarwanda b’impunzi kugirango bagire ubumwe maze bitegure gutaha mu gihugu cyabo.

Impunzi ni muntu ki ? 

Impunzi ni umuntu wese uba hanze y’igihugu cye cy’amavuko bitewe n’ubwoba bufite ishingiro bwo gutotezwa azira ubwoko, idini, ubwenegihugu, kuba umwe mu bagize itsinda runaka cyangwa ibitekerezo bya politiki, n’bindi, kandi kubera ubwo bwoba, akaba adashobora cyangwa adashaka kurengerwa n’amategeko y’icyo gihugu (1). Birumvikana ko igihe cyose icyo uwo muntu yahuze kikiriho atagombye gusubira mu gihugu cye kabone n’ubwo yaba yarabonye ubundi bwenegihugu, kuko ibyo bitavanaho impamvu zamuteye guhunga, bityo bikaba bitabuza ko yongera guhohoterwa no gutotezwa ageze mu gihugu cye. Ibi byabayeho ku banyarwanda benshi. Abanyarwanda b’impunzi mwabonye ubundi bwenegihugu rero ntimukibagirwe ko, mbere y’ubwo bwenegihugu bwanditse mu mpapuro z’ibibaranga, muri impunzi kandi ko mugomba guharanira kuva muri ubwo buhunzi, kuko mutari ba kavukire muri ibyo bihugu mwahungiyemo. Kizito Mihigo yabivuze neza mu ndilimbo ye agira ati:  » Amerika n’Uburayi, Aziya na Oseyaniya, n’bihugu bya Afurika, nibiducumbikire ariko ntitukibagirwe ko turi abana b’U Rwanda ».  

Tariki ya 20 Kamena ni umunsi mpuzamahanga wagenewe impunzi kw’Isi yose, washyizweho n’Umuryango wAbibumye (ONU). Nkuko bitangazwa n’Ishami ry’uwo muryango rishinzwe impunzi – Agence des Nations Unies pour les réfugiés - Uwo munsi Mpuzamahanga w’Impunzi watangiye kwizihizwa ku isi yose kuri iyo tariki mu mwaka wa 2001 ubwo hizirizwaga isabukuru y’imyaka 50 y’Amasezerano yo mu 1951 yerekeye impunzi. Wari warabanje kwitwa Umunsi w’Impunzi w’Afurika mbere y’uko Inama Rusange y’Umuryango w’Abibumbye iwugira ku mugaragaro umunsi mpuzamahanga mu Kuboza 2000 (2).

Uwo mwaka wa 2001 (mu kwezi kumwe kwa Kamena) niwo nanjye natangijemo uyu mushinga DVJP maze nywuha intego yo guharanira ko ubuhunzi bw’abanyarwanda burangira burundu. Niyo mpamvu nawise uw’Ubumwe n’Ubwiyunge Nyakuri kuko aribwo dukeneye kugirango tugire amahoro maze ubwo buhunzi bushobore kurangira koko. Mu bushakashatsi nawukozemo, nasanze ariko ibyo bitashoboka impunzi zitabanje gushyira hamwe ngo zigire ubumwe nyabwo kugirango zifatanye gushaka ibisubizo ku bibazo byateye ubwo buhunzi no kwumvikana uko byashyirwa mu bikorwa. 

Nkuko nabitangaje tariki ya 10/01/2026, ubwo nibutsaga ko kuwa 28/01/26 ari isabukuru ya 65 y’ubutegetsi bwa Repubulika y’U Rwanda yavanyeho Ubwami, navuze ko uyu mwaka wa 2026 ukwiye kuba uw’UBUMWE BW’IMPUNZI Z’ABANYARWANDA. Dore impamvu nemeza ibyo. Iyo turebye amateka ya politiki y’Urwanda muri Repubulika, dusanga :

1. Ubutegetsi bwa MDR-Parmehutu n’ubwa MRND-Muvoma, mu buryo bwa politiki, bwitiriwe abahutu muri iyo Repubulika yavanyeho ingoma Cyami y’abatutsi, bwaramaze imyaka 33 (1961-1994) yose ariko bukananirwa kuvanaho impamvu zitera abanyarwanda kubuhunga.

2. Ubutegetsi bwa FPR-Inkotanyi bwitiriwe abatutsi muri iyo Repubulika nabwo bwavanyeho ubwo butegetsi bwitiriwe abahutu, igihe bamwe muri abo bahutu bari bamaze gukora génocide y’abatutsi bari mu gihugu. Ubwo butegetsi bwa FPR Inkotanyi nabwo mu mwaka umwe (1) gusa buzaba bwujuje imyaka 33 (1994-2027), ariko nabwo bwananiwe gucyemura icyo kibazo cy’ubuhunzi kugeza ubu kuko butarashobora kuvanaho impamvu zateye kandi zigitera abenegihugu guhunga.  

Uretse no kuba ubwo butegetsi bwitirirwa abatutsi muri Repubulika butarahungukije impunzi zose icyo gihe bwajyagaho, na nyuma y’aho bugiriyeho hari abandi banyarwanda benshi bitwa abatutsi babuhunze, biyongera ku bandi benshi cyane bahoze muri bwa butegetsi bwitiriwe abahutu bwatsinzwe mu ntambara ya 1990-1994.

Nubwo abayoboke ba FPR-Inkotanyi bari hanze y’igihugu mbere ya 1994 bari barahunze ubutegetsi bwa Repubulika; bamaze gutera iyo ntambara no gufata ubutegetsi, ntibavanyeho iyo Repubulika ngo bagarure UBWAMI n’UMWAMI KIGERI WA V NDAHINDURWA mu Rwanda. Nta nubwo bashyizeho UBWAMI BUSHINGIYE KW’ITEGEKO NSHINGA mu gifaransa bita « Monarchie constitutionnelle« . Ahubwo bemeye gukumishaho inzego za Repubulika uko bayisanze. Bisobanuye rero ko nabo bemeye ko kuvanaho Ubwami byari bifite ishingiro, kabone nubwo hari imigenzo cyangwa imikorere imwe n’imwe y’ubutegetsi bwa FPR-Inkotanyi isa n’iyahozeho mu gihe cy’Ubwami. Muri politiki y’igihugu cy’U Rwanda, iyi ngingo irakomeye cyane kuko, kubera iyo mpamvu, nyuma y’imyaka 32 y’ubwo butegetsi bwitirirwa abatutsi buriho ubu, nta muyoboke wabwo wakwihandagaza ngo avuge ku mugaragaro ko Ubwami bukwiye kugaruka, maze ngo ijwi rye ribe ryakwumvikana. Ntibishoboka kuko gusobanura impamvu abivuze ubu nyuma y’iyo myaka yose, byamugora ! Ngicyo ikintu nibura abahutu n’abatutsi bahuriraho muri politiki ! 

Ikibazo gisigaye rero kikaba ari icyo kumenya UBUNDI UBUTEGETSI BUZASHOBORA GUHUZA NO KUBANISHA NEZA ABANYARWANDA MU GIHUGU CYABO, nta n’umwe uri hanze yacyo yitwa impunzi. Iki ni ikibazo gikwiye kubonerwa igisubizo mbere na mbere muri wa MURYANGO W’UBUMWE BW’ABANYARWANDA B’IMPUNZI nasabye ko watangizwa n’abanyamakuru bigenga bakawubera ABAHUZA.

Ibitekerezo kuri icyo gisubizo nabitangaje kuri site internet y’uyu mushinga  »projet-dvjp.net », kuri chaîne youtube yawo, kuri Radio URUMURI ya CASCR (Impuzamashyirahamwe ya Sosiyete Sivile Nyarwanda) na chaîne youtube yayo mu biganiro byinshi, no mu bitabo 3 nanditse : 1°. Plaidoyer pour le Droit de la Réconciliation (2001); 2°. RWANDA : Imperuka y’Ubuhunzi, Inkuru Nziza y’Ubwiyunge Nyakuri (2022); 3°. LUMIERE DU MONDE : Pardon authentique et Justice de réconciliation pour la foi en l’humanité (2023). 

3. Uyu mwaka 2026 ni uwo guhuza izo mpunzi zose zikumva neza ko icyo zihuriyeho ari ubwo buhunzi, kuko nta munyepolitiki uzongera kubeshya impunzi z’abanyarwanda ko azakoresha ubuhutu, ubututsi cyangwa ubutwa bwabo kugirango zitahe mu Rwanda. Ubumwe bw’abahutu, abatutsi n’abatwa muri politiki ntibushoboka kubera ko ku rugamba rw’amahoro abanyepolitiki bakoresheje ayo ngirwamoko bose baratsinzwe kuko ubutegetsi bwabo bwasumbanyije abanyarwanda, burabateranya kandi burabatanya, ndetse burabica ! Ubumwe bw’abanyarwanda rero ni bwo bwonyine bushoboka. 

Tariki ya 20 Kamena 2026, kw’isabukuru y’imyaka 25 y’uwo munsi w’impunzi kw’Isi yose, hagombye kwizizihizwa ubumwe bw’abanyarwanda b’impunzi bakagaragariza amahanga yose, bose hamwe, ko bashaka gutaha, ubutazongera kwitwa impunzi, kandi bakerekana n’ibikwiye gukorwa kugirango ibyo bishoboke !

Nifurije impunzi z’abanyarwanda mwese guharanira ubwo bumwe kuko aribwo buzabavana mu buhunzi kuko Imana izabiha umugisha. 

Ibibazo bidasanzwe bicyemurwa n’umuti udasanzwe kandi impinduka nziza ikorwa n’ibitekerezo bishya !

Murakoze mugire amahoro, muhorane Imana.

(1)  »Un réfugié est une personne qui, craignant avec raison d’être persécutée pour des raisons de race, de religion, de nationalité, d’appartenance à un certain groupe social ou d’opinions politiques, se trouve hors de son pays d’origine et ne peut ou ne veut, du fait de cette crainte, s’en réclamer de la protection.

Source : https://www.google.com/search?client=firefox-b-d&q=qui+est+r%C3%A9fugi%C3%A9+selon+la+cinvention+sur+le+statut+des+r%C3%A9fugi%C3%A9s

(2)  »La Journée mondiale des réfugiés est célébrée chaque année le 20 juin et est dédiée aux réfugiés du monde entier. La Journée mondiale des réfugiés a été célébrée pour la première fois à l’échelle mondiale le 20 juin 2001 afin de commémorer le 50e anniversaire de la Convention de 1951 relative au statut des réfugiés. Elle était initialement connue sous le nom de Journée africaine des réfugiés, avant que l’Assemblée générale des Nations Unies ne la désigne officiellement comme journée internationale en décembre 2000 ».

Source : (https://www.unhcr.org/fr/comment-nous-aider/agir-aux-cotes-du-hcr/journee-mondiale-du-refugie). 

Banyarwandakazi, Banyarwanda, bavandimwe, namwe nshuti z’abenegihugu cy’U Rwanda, ndabaramukije kandi mbifurije amahoro. Ni MUSOMESHA Aloys ubasuhuza.

Nifuje kubagezaho ubu butumwa bw’Impuzamashyirahamwe ya Sosiyete Sivile Nyarwanda CASCR mbereye umuyobozi.

Ndagira nti : ABISHYIZE HAMWE BAJYA INAMA IMANA IRABASANGA

• Iyo Mpuzamashyirahamwe igamije iki ?

Umuryango CASCR ugamije guhuza imbaraga no gukorera hamwe kw’amashyirahamwe y’abanyarwanda atari aya politiki n’abandi bantu ku giti cyabo badakora politiki y’ubutegetsi bw’igihugu cy’U Rwanda. Wiyemeje kurengera uburenganzira bw’abaturage n’inyungu zabo ; utanga ibisubizo ku bibazo birebana n’umubano, ubukungu, politiki n’umuco ku Rwanda, iby’ibanze bikaba ibyo kurangiza ubuhunzi mu bwisanzure hagamijwe kugarura ubumwe n’amahoro muri icyo gihugu. Uyu muryango urengera kandi uburenganzira bw’abanyarwanda bwo kujya mu gihugu cyabo cy’Urwanda, kugituramo no kugisohokamo igihe cyose bashakiye.

Iyi Mpuzamashyirahamwe ifite intego yo kworohereza abanyamuryango bayo mu kurangiza imilimo bahuriyeho. Ibyo bituma ibikorwa byabo biyoborwa neza, mu gihe cya ngombwa, bikanatanga icyizere mu buryo bwo gukora bwihuse no mu bufatanye hakoreshejwe ibiganiro bihoraho kandi binyuze mu kwizerana kw’abenegihugu. Muri ubwo buryo, iyo mishinga iyoborwa neza mu nyungu za Rubanda rwose.

• Ubutumwa bw’iyo Mpuzamashyirahamwe ni ubuhe rero ? 

Ubutumwa bw’iyi Mpuzamashyirahamwe bugenewe rero imiryango iregengera uburenganzira bwa muntu n’umuco nyarwanda, ubutabera, ubumwe n’ubwiyunge nyakuri, hamwe n’abanyamakuru n’abandi bose baharanira demukarasi muri Sosiyete sivile. Ubu butumwa bugenewe kandi n’abaturage bo mu bindi bihugu bifuriza amahoro abanyarwanda, nkuko natwe tuyabifuriza.  Turabasaba mwese GUFATANYA natwe no gushyigikira ibikorwa by’uyu muryango CASCR, bityo TUGAHUZA IMBARAGA ZACU MU GUKORERA HAMWE kugirango TUGIRE INGUFU zo kurengera abenegihugu cy’U Rwanda aho bari hose kw’Isi. By’umwihariko, ni ngombwa kuvuganira impunzi z’abanyarwanda no gushakira hamwe ibisubizo ku bibazo byateye ubwo buhunzi kugirango zitahuke kandi ubwo buhunzi burangire burundu. Ibyo bisubizo ni byo abanyepolitiki bagomba gushingiraho ubutegetsi bwose baharanira kujyaho kuko nyine ubwo butegetsi ari ubwa RUBANDA.

Tubifurije mwese ikaze muri uyu muryango mugari wa Sosiyete sivile nyarwanda.

Mushatse kuba abanyamuryango, kudushyigikira no kudutera inkunga, mwatwandikira kuri e-mail  : ccscrinfo@gmail.com

Mbaye mbashimiye, mugire amahoro, muhorane Imana.

Banyarwandakazi, Banyarwanda, bavandimwe, ndabaramukije.

Ni MUSOMESHA Aloys ubasuhuza.

Muri uyu mwaka w’2026 turizihiza ku nshuro ya 65 isabukuru y’ubutegetsi bwa Repubulika y’U Rwanda yimitswe tariki ya 28 Mutarama 1961 ivanyeho Ubwami. Ubwo butegetsi twahawe n’abakoloni b’ababiligi ariko ntibwashoboye kubanisha neza kandi hamwe abanyarwanda bose, kuko nabwo hari benshi bwagize impunzi ndetse kurusha ubutegetsi bw’ingoma ya Cyami yabubanjirije.

 Umushinga w’Amahoro, Ubumwe n’Ubwiyunge Nyakuri (Projet-DVJP) natangije muri 2001 wihaye intego yo guharanira ko ubwo buhunzi burangira burundu. Uwo mushinga ni umwe mu banyamuryango b’Impuzamashyirahamwe ya Sosiyete Sivili Nyarwanda CASCR yashyigikiye icyo gikorwa kuko nayo yiyemeje kurengera ubwo uburenganzira bw’abanyarwanda bwo kuba mu gihugu cyabo.  Ibyo bizashoboka ariko abahunze ubutegetsi bwa Leta y’U Rwanda nabo nibemera kwishyira hamwe mu MURYANGO UMWE W’UBUMWE BW’IMPUNZI Z’ABANYARWANDA, bakarwanya ibibatanya n’ibyabateye guhunga, babishakira umuti, kuko ari bwo  »Imana izabasanga » ikabavana muri ubwo buhunzi.

Nifurije abanyarwanda b’impunzi mwese gufatanya no guhuza imbaraga muri uwo muryango mushya kugirango tugire ingufu zo kubona ibisubizo ku bibazo byateye kandi bigitera ubwo buhunzi, binyuze mu biganiro. Ibyo biganiro ni byo tuzashakiramo ubutegetsi bushya buzasimbura iyo Repubulika yateshutse ku nshingano zayo. Niyo mpamvu kuva 2023 natangaje icyo igitekerezo nsaba ko hakwiye kuboneka ABAHUZA b’impunzi muri ibyo biganiro bemera kwitangira uwo mulimo mu nyungu rusange z’abanyarwanda.

Ibibazo bidasanzwe bicyemurwa n’umuti udasanzwe kandi impinduka nziza ikorwa n’initekerezo bishya.

Murakoze, mugire amahoro, muhorane Imana.

HABONETSE ABAHUZA B’UMURYANGO W’UBUMWE BW’IMPUNZI Z’ABANYARWANDA ? IYO YABA ARI INKURU NZIZA !

Banyarwandakazi, Banyarwanda b’impunzi namwe banyamakuru mwese ndabaramukije kandi mbifurije amahoro.

Ni Musomesha Aloys ubasuhuza, umuyobozi n’umuhuza w’Umushinga w’Amahoro, Ubumwe n’Ubwiyunge Nyakuri DVJP, ubwiyunge buyobowe n’Amategeko n’ibiganiro, bunyuze mu Ukuri, Ubutabera n’Imbabazi, umushinga wigenga utabogamiye kuri politiki y’amashyaka n’ubutegetsi, uharanira Politiki Mpuzabanyarwanda n’Ubutabera Mpuza-Nungabantu. Uwo mushinga ukora ubushakashatsi ku bwiyunge kuva 2001, ukaba ari umwe mu banyamuryango b’Impuzamashyirahamwe ya Sosiyete Sivili Nyarwanda CASCR nyiri iyi Radio URUMURI

Nishimiye kubakira muri iki kiganiro nahaye umutwe ugira uti : Abanyamakuru bafite ububasha bwo guhuza impunzi z’abanyarwanda

Muri iki kiganiro ngarutse gusobanura impamvu ngikomeza gusaba ko ibiganiro by’impunzi biyoborwa n’abanyamakuru.

Nyuma yo gutangaza ikiganiro giheruka kuri iyi ngingo, ubwo nagiraga nti  »NIDUTABAZE ABANYAMAKURU BATABARE IMPUNZI Z’ABANYARWANDA, bamwe mu bagikurikiye bansabye gusobanura impamvu z’iki gitekerezo, kandi nyamara rwose muri icyo kiganiro nagerageje kuzisobanura. Ariko muri iki kiganiro ngiye kuzinonosora.

Muri icyo gitekerezo nasabye ko abanyamakuru bashyira hamwe maze bagafasha abanyarwanda b’impunzi gutangiza ibiganiro hagati yabo.

I. Icyo uyu muryango atari cyo

1. Umuryango w’ubumwe bw’impunzi ntabwo ari uw’amashyirahamwe yiswe amashyaka ya politiki akorera hanze y’U Rwanda, kuko impunzi zose zitari muri ayo mashyaka. Ntabwo ari umuryango wo guhuza abanyepolitiki ba opposition bari mu buhungiro cyangwa amashyaka yabo. Nta nubwo ari uwo guhuza amashyirahamwe ya politiki n’aya sosiyete sivili.

Kubera iyo mpamvu, uwo muryango rero ntukwiye kuyoborwa n’abanyepolitiki bo mu mashyirahamwe yiswe amashyaka. Iyo mpamvu kandi niyo yatumye ntanga igitekerezo cy’uko ibiganiro by’impunzi bikwiye kuyoborwa n’abanyamakuru bigenga bo muri sosiyete sivili. Ibi bihuye n’ibyo nakunze kwandika no kuvuga mu biganiro ngira nti : muri politiki, Sosiyete sivili yigenga ni yo ikwiye kuba umuhuza w’abanyarwanda.

2. Umuryango w’ubumwe bw’impunzi kandi ntabwo ari uwo guhuza abahutu, abatutsi n’abatwa bari hanze y’URwanda kuko impunzi zose zitibonamo  ayo ngirwamoko. Cyane ko ayo ngirwamoko yakoreshejwe mu gutanya abanyarwanda nyine. Ntabwo ari umuryango wo kurengera abahutu, abatutsi cyangwa se abatwa bari hanze y’igihugu nk’impunzi cyangwa se abari mu gihugu kubera akarengane gashingiye kuri ayo ngirwamoko bakorerwa. Oya ntabwo uwo muryango ushingiye kuri ayo ngirwamoko ya politiki. Ntabwo ari kimwe n’indi miryango twakunze kwumva irengera kandi ihuza bamwe basangiye ingirwabwoko bumwe ariko ikarenganya kandi igaheza abandi. 

Turabizi neza ko, mu mateka y’igihugu cy’U Rwanda, abategetsi bashingiye politiki yabo ku buhutu ari n’abayishingiye ku bututsi, bose ntibashoboye kurangiza ikibazo cy’ubuhunzi. Niyo mpamvu iyo politiki igomba guhinduka.

3. Umuryango w’ubumwe bw’impunzi ntabwo ari uwo guhuza kandi abo banyarwanda kubera inkomoko zabo (abokomoka mu majyaruguru, mu majyepfo, cyangwa hagati y’URwanda; abahoze ari impunzi mbere ya 1994 n’abari mu gihugu mbere y’uwo mwaka, …..). Inkotanyi za FPR zahujwe n’ubututsi kandi zikoresha akarengane k’abatutsi mu gukora intambara mu Rwanda no muri Repubulika iharanira Demokarasi ya Congo, niyo mpamvu zitashoboye guhuza abanyarwanda no kurangiza ubuhunzi. Na n’ubu nyuma y’imyaka irenga 30 intambara ya 1990-94 irangiye, ako karengane abatutsi bakorewe na bamwe mu bahutu muri génocide ni ko abategetsi bashingiraho politiki y’ubutegetsi bwabo. Kimwe n’uko abanyepolitiki b’ishyaka rya MDR Parmehutu n’irya MRND bashingiye ubutegetsi bwabo ku karengane abahutu bakorewe n’ingoma y’Ubwami mbere y’uko himikwa Repubulika. GATEBE GATOKI !

Nyuma y’izo politiki zirengera bamwe mu banyarwanda zikarenganya abandi, ducyeneye politiki irengera kandi igahuza bose.

II. Icyo uyu muryango ari cyo.

1. Ni umuryango wa politiki mpuzabanyarwanda yo guhuza impunzi no kuzihuza n’abanyarwanda bari mu Rwanda. Iyo politiki ntiyigeze ibaho muri Repubulika. Ntabwo rero ari umuryango wa politiki igamije ubutegetsi bw’igihugu. Ahubwo ni umuryango w’impunzi zose z’abanyarwanda, baba abari mu mashyaka n’abatayarimo.

Intego y’uwo muryango ni uguharanira uko impamvu zateye kandi zigitera ubuhunzi bwabo zivaho kugirango zitahuke, hashingiwe ku mategeko y’Imana n’amategeko mpuzamahanga arengera uburenganzira bw’ikiremwamuntu.

2. Ni umuryango ugamije kurengera uburenganzira ku munyarwanda wese bwo kuba mu gihugu cye. Gutahuka kw’izo mpunzi rero ntibigombera imishyikirano ya politiki yo kugabana imyanya y’ubutegetsi kuko atari bwo mbere na mbere zishaka. Ikigomba gukorwa mu mwanya w’iyo mishyikirano, ni ukuganira uburyo impamvu zose zateye ubuhunzi zivaho, bakabibonera ibisubizo.

Ni yo mpamvu abategetsi b’U Rwanda ari bo bafite inshingano zo kuvanaho impamvu zose zateye kandi zigitera ubuhunzi kugirango abanyarwanda b’impunzi bose batahe, kuko umunyarwanda wese afite uburenganzira ndakuka bwo kuba mu gihugu cye. Ariko byarabananiye. Ayo makosa abategetsi bakoze kuva kera kugeza ubu yo kudashobora guhuza banyarwanda bose mu gihugu, agomba gukosorwa byihutirwa.

Kubera ko izo nshingango abategetsi b’U Rwanda batazubahirije, ni imwe mu mpamvu zatumye muri uyu mushinga DVJP ntanga igitekerezo cyo kuvanaho inzego za Repubulika uko twayihawe n’abakoloni kugirango twubake bundi bushya iyo Repubulika mu buryo buberanye n’umuco nyarwanda. Kandi ibi ntibyashoboka abanyarwanda bose batari mu gihugu ngo babigiremo uruhare. 

3. Ni umuryango ugendera ku mategeko n’amahame y’uburenganzirwa bwa muntu, ugamije gucyemura ibibazo by’ubuhunzi binyuze mu biganiro.

Umuryango w’ubumwe bw’impunzi ntugira ibara rya politiki

III. Kuki abanyamakuru ari bo bakwiye kuba abahuza b’impunzi ?

1. Kuko ari bo bafitiwe icyizere kubera impamvu zikurikira :

- umwuga wabo nta mupaka ugira

- abanyamakuru barigenga kuko bari muri société civile, ntibakora politiki igamije ubutegetsi bityo bakaba nta ruhande rwayo babogamiyeho.

- barengera kandi bavuganira Rubanda aho bari hose : ni ijisho rya Rubanda. Intwaro yabo ni micro n’amategeko

2. Abanyamakuru bafite ububasha bwo gutumiza no kubaza abanyarwanda b’impunzi icyo bashaka, bahuriye mu biganiro. C’est le 4ème pouvoir.

IV. Iyi crise politiki impunzi zirimo irasaba ibisubizo bya politiki bidasanzwe. Nkuko nkunze kubivuga mu bindi biganiro no mu nyandiko zinyuranye, UKU KUDOHOKA KW’ABANYEPOLITIKI kuragaragaza neza ko ari ngombwa guhindura uburyo bwo gukora politiki kubera ko bateshutse ku nshingano zabo, haba mu Rwanda haba no hanze yarwo, kuko batashoboye guhuza abanyarwanda mu gihugu cyabo.

Ni ngombwa rero KO DUHINDURA SYSTEME POLITIKI N’AMATEGEKO Y’IGIHUGU CY’U RWANDA kugirango impunzi zitahuke. Gute ?

Ibi byose ni byo bigomba kuganirwaho n’uwo muryango w’ubumwe bw’impunzi.

V. ABANYARWANDA NITUREKE KURANGARIRA IMISHYIKIRANO Y’ABANYEPOLITIKI KU BIBAZO BYO MURI CONGO NGO TWIBAGIRWE IBIBAZO BY’IMPUNZI, kuko atari bo bazabyiga. Amasezerano yasinyiwe i Washington kuwa 4 Ukuboza 2025 hagati y’U Rwanda na RDC ubwayo arabigaragaza kuko nayo atashoboye no gucyemura ibibazo by’impunzi z’abanyarwanda ziri muri icyo gihugu.

Niyo mpamvu rero hagomba kubaho ibindi biganiro !

Abanyamakuru rero bakwiye gguhura kugirango batangize ibyo biganiro biganiro by’impunzi z’abanyarwanda.

IMPINDUKA NZIZA IKORWA N’IBITEKEREZO BISHYA !

Cliquer ici pour voir la vidéo.

Banyamakuru, Banyarwandakazi, Banyarwanda b’impunzi mwese ndabaramukije kandi mbifurije amahoro.

Ni Musomesha Aloys ubasuhuza, umuyobozi n’umuhuza w’Umushinga w’Amahoro, Ubumwe n’Ubwiyunge Nyakuri DVJP, ubwiyunge buyobowe n’Amategeko n’ibiganiro, bunyuze mu Ukuri, Ubutabera n’Imbabazi, umushinga wigenga utabogamiye kuri politiki y’amashyaka n’ubutegetsi, uharanira Politiki Mpuzabanyarwanda n’Ubutabera Mpuza-Nungabantu. Uwo mushinga ni umwe mu banyamuryango b’Impuzamashyirahamwe ya Sosiyete Sivili Nyarwanda CASCR nyiri iyi Radio URUMURI

Nishimiye kubakira muri iki kiganiro nahaye umutwe ugira uti : NIDUTABAZE ABANYAMAKURU BATABARE IMPUNZI Z’ABANYARWANDA 

I. IKIBAZO KIRI HE ?

Muri iki gihe, kubera iterambere ry’isakazamakuru, bigaragara ko abanyamakuru b’umwuga atari bo bonyine bagikora ako kazi kuko hadutse uburyo bwinshi bwo kumenyekanisha inkuru kuri internet no ku mbuga nkoranyambaga.

Ku birebana n’abanyarwanda b’impunzi nageneye iki kiganiro, tubona neza ko nabo bashinze ibisakazamakuru byinshi, byaba iby’abantu ku giti cyabo cyangwa iby’amashyirahamwe ya Sosiyete sivili n’aya politiki ya opposition atavuga rumwe n’ubutegetsi buriho mu Rwanda. Ibyinshi muri ibyo bisakazamakuru bikora inyandiko n’ibiganiro birebana na politiki nubwo bamwe mu babiyobora atari abanyepolitiki.

Muri ibyo biganiro by’abanyarwanda b’impunzi, hatumirwamo abantu benshi bakora ubusesenguzi cyangwa batanga ibitekerezo bya politiki bigamije kubafasha kuzagera ku mpinduka ya politiki bifuza, baharanira guzatahuka mu gihugu cyabo bityo bakava muri ubwo buhunzi.

Nubwo ari byiza ko hariho ibyo bisakazamakuru byinshi bifasha abantu kumenya izo nkuru, dukunze ariko kubona bimwe muri byo bita umurongo w’itangazamakuru bikinjira mu buzima bwite bw’abantu bigamije guharabika no gusebanya, ibyo bikorwa bikaba ari nabyo bitanya impunzi zikabura bwa bumwe zifuza.

Kuri bamwe muri abo banyamakuru bagerageza gukora kinyamwuga, dukunze kubona batumira abantu bamwe ku ngingo zimwe ku maradios anyuranye no mu bihe bitandukanye. Impamvu yabyo irumvikana kuko ayo maradios yose adakurikirwa n’abantu bamwe.

Mu gihe impunzi zisaba abanyepolitiki ba opposition kwishyira hamwe kugirango bazazifashe gutahuka, nanone usanga abo banyamakuru nabo badashobora kwihuza kugirango bahurize hamwe ibyo bitekerezo by’abanyepolitiki n’abandi banyarwanda batumira mu biganiro byabo.

Niyo mpamvu muri uyu mushinga nemeza neza ko uko kwishyira hamwe kw’abanyamakuru kugirango bashyire hamwe ibitekerezo bya politiki binyuranye, ari bwo buryo bwizwa bwatuma abanyarwanda b’impunzi bava muri politiki ya opposition ibatanya hagati yabo. Ni byo byatuma bashobora kuganira ku bibazo by’ubuhunzi maze bakigira hamwe uko bazabusohokamo batarinze gutegereza abanyepolitiki ba opposition bananiwe gukora uwo murimo. Kubera ko badahuje idéologie politique, abo banyepolitiki nta mushinga wa politiki bahuriyeho washobora guhuza impunzi.

Ubwo buryo rero bwahuza ba bandi bakurikira ibyo binyamakuru kuko abayobozi babyo baba bishyize hamwe. Kwishyira hamwe kw’abanyamakuru hagamijwe gushaka ibisubizo ku bibazo by’impunzi ariko ntibyabuza ibinyamakuru byabo gukomeza gukora uko bisanzwe. Nanone ariko, dukwiye kwemera ko ikinyamakuru kimwe kitashobora gukora impinduka cyonyine kabone nubwo cyakurikirwa n’abanyarwanda bose !

II. IMPUNZI Z’ABANYARWANDA MU KAGA

Mu mwaka wa 2023, muri gahunda y’ubumwe bw’abanyarwanda y’uyu mushinga, mu biganiro nakoze kuri radio URUMURI natangaje igitekerezo cyo gushyiraho Umuryango w’ubumwe bw’impunzi kugirango uzazifashe gutahuka mu gihugu cyacu. Natabaje abanyamakuru mbasaba ko batangiza icyo gikorwa kubera ko abanyepolitiki bo mu mashyirahamwe ari mu buhungiro bise amashyaka bananiwe guhuza izo mpunzi. 

Nanone tariki ya 2 Ukwakira 2025 ubwo nibutsaga ibyo biganiro natangarijemo icyo gitekerezo nabikusanyirije hamwe, natanze ubutumwa ngira nti : ABANYARWANDA B’IMPUNZI BISHYIZE HAMWE IMANA YABASANGA IBAFASHA GUHUNGUKA. Muri iyo nkomatanyabiganiro nifuzaga ko abatarabyumvise byose basobanukirwa neza n’ubwo butumwa. Nasobanuye ko abanyamakuru bari mu mwanya mwiza wo guhuriza abanyarwanda b’impunzi muri uwo muryango umwe, kugirango bashyire hamwe ibitekerezo byabo hagamijwe gushaka ibisubizo ku mpamvu zateye ubwo buhunzi mu mateka yose y’U Rwanda n’uburyo zavanwaho, maze ubuhunzi bukarangira burundu.

Ndashimira abamfashije gutangaza icyo gitekerezo nanone mbasaba gufatanya tugatabaza abo banyamakuru kugirango bahuze abanyarwanda b’impunzi mu biganiro bizabafasha gushakira hamwe umuti w’icyo kibazo cy’ubuhunzi. 

Kubera ko bamwe mu banyarwanda bongeye kunsaba kunonosora neza icyo gitekerezo, niyo mpamvu nkigarutseho  ndetse mbaha n’urugero rw’abanyamakuru 2 nabo bemeza neza ko abanyarwanda b’impunzi bakwiye kwishyira hamwe batarinze gutegereza ko abanyepolitiki ba opposition aribo bazabahuza. Nubwo batavuga uburyo byakorwa, birumvikana ko abo banyamakuru nabo bashyigikiye ko ubumwe bw’impunzi ari bwo buzazivana mu buhunzi nkuko mbivuga muri ibyo biganiro nakoze muri 2023 ndetse mperutse kwibutsa nkuko maze kubivuga. 

Tuzi neza ko ubusanzwe itangazamakuru ryigenga kuko ritagomba kugira aho ribogamira muri politiki. Bikunze ndetse kuvugwa ko, uretse n’inzego z’ubutegetsi nshingamategeko, nyubahirizamategeko n’ubucamanza (pouvoirs législatif, exécutif, judiciaire) zirimo abanyepolitiki, itangazamakuru naryo ari urundi rwego rwa 4 rw’abanyamakuru (4ème pouvoir de la communication). Abo nabo rero bafite ubushobozi n’ububasha bemererwa n’amategeko y’umwuga wabo, bwo kuba batumiza abantu abo ari bo bose kugirango baganire kuri icyo kibazo cy’ingorabahizi, kimwe n’ibindi byose.  

Ni muri ubwo buryo bya bibazo by’amacakubiri bibuza abanyepolitiki b’impunzi kwishyira hamwe bizaba bibonewe ibisubizo kuko ibyo biganiro bitazayoborwa na bamwe muri bo, kubera ko ibyo bapfa ari imyanya y’ubutegetsi. Aho ibyo biganiro bihuza impunzi bizaba bitandukaniye n’ibyo abo banyamakuru basanzwe babatumiramo, ni uko noneho abo banyepolitiki batazaba baje kuganira kuri politiki y’amashyaka yabo. Nta mpamvu rero yagombye kuzatuma abo banyepolitiki b’impunzi bataza muri ibyo biganiro bishya kuko ikibazo cy’ubuhunzi kireba impunzi zose kandi n’ubundi bakaba basanzwe bitabira ubutumire bw’abo banyamakuru. 

Ikindi kibazo cyaba kibonewe igisubizo ni icy’IHANGANA bamwe bita  »intambara » hagati y’abanyepolitiki no hagati y’abayoboke b’amashyaka yabo, bose bari muri opposition mu buhungiro (opposition contre opposition), kuko aho kurwana n’ubuhunzi barimo kugirango babuveno, usanga bashyamirana hagati yabo nk’abarwanira ubutegetsi, nyamara bibagiwe ko nta gihugu bafite. Ibi binyibutsa bya bihe by’intambara ya 1990-1994 ubwo amashyaka ya politiki ya opposition yarwanyaga ubutegetsi nayo yageze aho agahangana ubwayo ashyamiranya abayoboke bayo, aho kubanza gushyira hamwe ngo batsinde iyo ntambara maze babone uko bashyikirana n’abayiteje bityo bavaneho impamvu zatumye batera igihugu cyabo. 

Abanyarwanda b’impunzi rero muri iki gihe bari mu kaga kuko badafite intwaro y’UBUMWE kandi ariyo zikeneye gukoresha kugirango impinduka bifuza bazayigereho. Niyo mpamvu nshyigikiye ko abanyarwanda b’impunzi dukwiye gutabaza abanyamakuru tubasaba kwishyira hamwe kugirango bategura ibyo biganiro kuko ari byo bizavamo umushinga wa politiki uzaduhuza n’abanyarwanda bari mu gihugu cy’U Rwanda.    

Uwo muryango w’ubumwe bw’impunzi z’abanyarwanda ntuzaba ari uwa politiki ya opposition igamije gufata ubutegetsi kuko impunzi zose zitari muri ya mashyirahamwe ya politiki yiswe amashyaka. Uwo muryango icyo uzaba ugamije ni ugutahuka kw’impunzi impamvu zose zateye ubwo buhunzi zimaze kuvaho.

Bimwe mu bibazo by’ingutu bitavugwaho rumwe n’impunzi natekerejeho ko byakwigwa mu nama z’uwo muryango ni ibi bikurikira :

1. Niba intambara idashobora kuvanaho impamvu zitera ubuhunzi, izo mpamvu zavaho gute binyuze mu nzira z’amahoro ?

2. Nyuma yo kubona ko ingoma y’ubutegetsi bwa Repubulika itashoboye kuvanaho imwe mu mikorere mibi y’ingoma za Cyami na Gikoloni, indi ngoma y’ubutegetsi bubereye abanyarwanda yaba iyihe ? Ni uruhe Rwanda twifuza ?

3. Nyuma y’amahano menshi U Rwanda rwagushije, ubutabera bwigenga kandi kuri bose, ubumwe nyabwo ndetse n’ubwiyunge nyakuri bwagerwaho gute ? Urugero : ikibazo cy’imbabazi rusange abanyarwanda ntitukivugaho rumwe.  

III. UBUHAMYA BW’ABANYAMAKURU 2 :

Kugirango iki gitekerezo kirusheho kumvikana neza, ngiye kubagezaho ibyo numvise mu kindi kiganiro cyakozwe n’abanyamakuru 2 bisa neza n’ibyo mvuga muri ibyo biganiro byanjye ku bumwe bw’impunzi.

Mu gihe nari ndi gutekereza uburyo uwo muryango w’ubumwe bw’impunzi wazatangizwa, mu minsi ishize nabonye kuri Youtube ikiganiro cyitwa  »Intambara muri opposition » umunyamakuru SINKANGWA RUTERANA JEAN-LUC yagiranye n’undi munyamakuru NKUSI UWIMANA AGNES cyahise kuri chaîne youtube ya Radio UMURABYO TV tariki ya 13 Nzeri 2025.

Muri icyo kiganiro, ku byerekeye KWISHYIRA HAMWE kw’impunzi, NKUSI UWIMANA Agnès yagize ati :

Igihe cyose abanyepolitiki bo muri opposition batarishyira hamwe ngo bafatanye n’abanyarwanda bari hanze bakeneye gutaha rwose gutaha kwabo biragoye. Navuga ko bigoye kugeza ubungubu, ariko (kuko) mu gihe ziriya mpunzi z’abanyarwanda zizabasha kwishyira hamwe abo banyepolitiki bazagwa mu kimwaro, ….bazagera igihe nabo bigaye.

Umunyamakuru Sinkangwa Ruterana Jean-Luc yaramubajije ati :

Izo mpunzi ubona ari iki gisabwa kugirango zishyire hamwe, abo banyepolitiki babone ko zo zishyize hamwe kandi ari bo basabwa kugirango bishyire hamwe ngo baziyobore ?

NKUSI UWIMANA Agnès yamushubije atya :

IMPUNZI ICYO ZISABWA UYU MUNSI NI UKUBANZA KWIYAMBURA URIYA MWAMBARO WA OPPOSITION Y’IKINYOMA, OPPOSITION IRI KUBABESHYA, IRI KUBACURUZA, MU NYUNGU ZABO BANYEPOLITIKI. NIBAMARA KWITANDUKANYA N’IYO OPPOSITION N’ABANYEPOLITIKI BAVUGA KO BAYOBORA OPPOSITION KANDI ARI POLITIKI IRI MU NYUNGU ZABO, BO UBWABO BAKISHYIRA HAMWE, BAKIGANIRIRA KU KIBAZO CYABO BAKAGIHA UMURONGO BAKANITORAMO UMUNTU UGOMBA KUBAVUGIRA, HANYUMA BAGASHAKA UBURYO BWOSE BWO KUGANIRA N’ISHYAKA RIRI KU BUTEGETSI MU GIHUGU KUGIRANGO BABONE IGISUBIZO CYO GUTAHA, NI BWO IGISUBIZO NYAKURI BAZABA BAKIBONE CYA BURUNDU. NAHO KURINDIRA IGIHE ABANYEPOLITIKI BAZAGERA IGIHE BISHYIRA HAMWE BAKAGIRA ICYO BAZA KUBAKORERA NTABWO BISHOBOKA CYANE KO NAKWERETSE KO IGIHE BADAHUJE IDEOLOGIE BIDAKUNDA.

Umunyamakuru SINKANGWA RUTERANA Jean-Luc arongera ati :

ARIKO WA MUGANI ABANYARWANDA BAKWIYE GUKOMEZA GUSINZIRA NO KUGUMA MU BYO BARIMO NGO KUKO ABANYEPOLITIKI BANZE KWISHYIRA HAMWE BO UBONA NTACYO BAKORA KUGIRANGO BISHYIRE HAMWE BAREKE ABO BANYEPOLITIKI ?

NKUSI UWIMANA Agnès yamushubije agira ati :

ABATURAGE NI BO UBWABO BAHAGURUKIRA RIMWE. .. IGIHE BO UBWABO BAZISHYIRA HAMWE BAKAMENYA IKIBAZO BAFITE NIHO UBWABO BAZAHAGURUKIRA RIMWE BAKAMENYA UBURYO BAGANIRA BAGAFATA UMURONGO UMWE UZABAFASHA GUTAHA I KIGALI. BITARI IBYO, NTA MUNYAPOLITIKI WO HANZE AHA UFITE IDEOLOGIE DE LA NATION.

Ngayo nguko.

• Ndabona rero abanyamakuru Agnès na Jean-Luc bakwiye gufatanya n’abandi banyamakuru guhuriza impunzi mu biganiro kugirango bahoshe iyo  »ntambara ya opposition » iri mu buhungiro. Aho ibiganiro bizabera ni bo bazahagena. 

• Mu rulimi rw’igifaransa baravuga ngo :  »Du choc des idées jaillit la lumière ». Bisobanuye ko :  »ibitekerezo bihuye bigakocorana bibyara urumuri ».

IV. URUGERO RWIZA RWO KWISHYIRA HAMWE

Nkuko nabivuze ntangira iki kiganiro, ndibutsa ko iki gitekerezo ari icy’Umushinga w’Amahoro, ubumwe n’ubwiyunge nyakuri DVJP, umwe mu banyamuryango b’Impuzamashyirahamwe ya Sosiyete Sivili Nyarwanda CASCR nyiri iyi Radio URUMURI. 

Uwo muryango mugali washinzwe tariki ya 10.12.2016. Mu cyerekezo cyawo ugamije guhuza imbaraga no gukorera hamwe kw’amashyirahamwe y’abanyarwanda atari aya politiki n’abandi bantu ku giti cyabo barimo n’abanyamahanga ; wiyemeza kurengera uburenganzira bw’abaturage n’inyungu zabo ; utanga ibisubizo ku bibazi birebana n’umubano, ubukungu, politiki n’umuco ku Rwanda, iby’ibanze bikaba ibyo kurangiza ubuhunzi hagamijwe kugarura ubumwe n’amahoro mu gihugu.

Iyo mpuzamashyirahamwe ifite intego yo kworohereza abanyamuryango bayo mu kurangiza intego bahuriyeho. Ibyo bituma ibikorwa byabo biyoborwa neza, mu gihe cya ngombwa, bikanatanga icyizere mu buryo bwo gukora bwihuse no mu bufatanye hakoreshejwe ibiganiro bihoraho kandi binyuze mu kwizerana nk’abanyagihugu. Muri ubwo buryo, iyi mishinga iyoborwa neza mu nyungu za Rubanda rwose. 

Umuryango CASCR urengera kandi uburenganzira bw’abanyarwanda bwo kujya mu gihugu cyabo cy’U Rwanda, kugituramo no kugisohokamo igihe bashakiye.

Birumvikana rero ko icyo gitekerezo kiri mu nzira imwe n’icyerekezo cy’uwo muryango CASCR kandi kikaba cyubahirije intego yawo.

Mboneyeho umwanya wo kumenyekanisha iyo mpuzamashyirahamwe mbwira abifuza gutafanya natwe ko bashobora gusaba kuba abanyamuryango. Dukeneye ndetse n’abandi banyamaku kuri iyi radio URUMURI. Mbaye mbashimiye.

Ibindi bitekerezo bya politiki birebana n’uburyo ubuhunzi bwarangira burundu, nabitangaje mu gitabo nise  »RWANDA : IMPERUKA Y’UBUHUNZI. Inkuru nziza y’Ubwiyunge Nyakuri » cyasohotse muri Mutarama 2022.

Mwakoze gukurikira iki kiganiro, mbifurije amahoro ahoraho. 

IBIBAZO BIDASANZWE BICYEMURWA N’UMUTI UDASANZWE KANDI MPINDUKA NZIZA IKORWA N’IBITEKEREZO BISHYA.

Mu mwaka wa 2023, muri gahunda y’Umushinga w’Amahoro, Ubumwe n’Ubwiyunge Nyakuri DVJP irebana n’ubumwe bw’abanyarwanda, nasobanuye mu biganiro natanze kuri radio URUMURI igitekerezo cyo gushyiraho umuryango uhuza abanyarwanda b’impunzi kugirango uzabafashe gutahuka mu gihugu cyacu cyiza cy’U RWANDA. Ndashimira cyane abanyamakuru n’abandi banyarwanda bamfashije gutangaza no gusakaza icyo gitekerezo. Ubwo butumwa nongeye kwibutsa uyu munsi tariki ya 2 Ukwakira 2025 nabuhaye umutwe ugira uti : ABANYARWANDA B’IMPUNZI BISHYIZE HAMWE IMANA YABASANGA IBAFASHA GUHUNGUKA. Ibyo biganiro nabishyize hamwe kugirango abatarabyumvise byose bashobore gusobanukirwa neza n’ubwo butumwa. Nongeye kubasaba kubusangiza abandi kugirango turebere hamwe uburyo uwo muryango w’ubumwe bw’impunzi z’abanyarwanda watangizwa. Ndabashimiye cyane. IMPINDUKA NZIZA IKORWA N’IBITEKEREZO BISHYA.

Cliquer ici pour voir la vidéo.

Banyarwandakazi, Banyarwanda bavandimwe ndabaramukije kandi mbifurije amahoro.

Ni Musomesha Aloys ubasuhuza, umuyobozi n’umuhuza w’Umushinga w’Amahoro n’Ubwiyunge Nyakuri DVJP, ubwiyunge buyobowe n’Amategeko n’ibuganiro, bunyuze mu Ukuri, Ubutabera n’Imbabazi, umushinga wigenga utabogamiye kuri politiki y’amashyaka n’ubutegetsi, uharanira Politiki Mpuzabanyarwanda n’Ubutabera Mpuza-Nungabantu. 

Muri uyu mwanya tugiye kuganira ku ngingo ifite umutwe ugira uti : Aho gushoza intambara ku Bahutu, Abatutsi, n’Abatwa, nimwice ayo ngirwamoko ya politiki.

Iki kiganiro rero ngiye kugikora nk’umuyobozi n’umuhuza w’uyu mushinga w’amahoro n’ubwiyunge nyakuri DVJP, uyu mushinga ukaba ari umwe mu banyamuryango b’ishyirahamwe rigari rya sosiyete sivili-CASCR ribumbye andi mashyirahamwe menshi ndetse n’abantu ku giti cyabo. 

Muri iyi minsi ndetse no mu yindi ishize, ku mbuga nkoranyambaga, hakunze kwumvikana imvugo n’ibiganiro bya gashozantambara, birimo urwango rushingiye kw’irondakoko rya bamwe bahuriye ku byiswe amoko y’abahutu cyangwa abatutsi. Bakavangamo ndetse n’ibitutsi. Twumvise kandi bamwe mu biyita abatutsi bahamagarira abandi kuzica abahutu. Izo mvugo ni iza gashozantambara.

Ku banyarwanda twariho mu gihe cy’intambara ya 1990-94, ibyo bitwibutsa nanone ibyavugwaga mu Rwanda icyo gihe na bamwe mu bahutu ku mugaragaro kimwe na bamwe mu batutsi, ariko abo batutsi bo bakabikora bucece. Ubu noneho ni bamwe mu batutsi bari gushoza iyo ntambara yindi ku mugaragaro, kubera ko ngo bafite ubutegetsi bityo bakaba ntacyo bikanga. Nyuma y’imyaka 31 iyo ntambara ya 1990-94 irangiye, iyo twumvise nanone izo mvugo, dukwiye kwibaza niba turi kujya imbere cyangwa se turi gusubira inyuma.

Hanze y’igihugu ariko naho, hari abahutu bongeye kuzamura imvugo zirimo urwango rw’abatutsi.

Ese abafite izo mvugo ni uko muri icyo gihe batari bavuka cyangwa se bataramenya ubwenge, cyangwa batari mu gihugu ? Bityo bakaba batazi ibyabaye icyo gihe cyangwa se ari uko bitabagizeho ingaruka ? Ibyo nta perereza nabikozeho, ariko nabyo ntibyaba impamvu kuko nabo bagombye kuba barize amateka y’U Rwanda rw’icyo gihe.

Igiteye impungenge kurushaho, ni uko tutigeze twumva ko hari abanyarwanda bakurikiranyweho ibyo byaha mu butabera cyangwa se ngo twumve abanyepolitki bamagana ku mugaragaro izo mvugo z’urukozasoni. Ahubwo ndetse bamwe mu bategetsi bagombye kwamagana izo mvugo z’urwango nabo barazikoresha ku mugaragaro mu madisikuru yabo.

Mu bushakashatsi nakoze muri uyu Mushinga w’Amahoro n’Ubwiyunge Nyakuri DVJP nasanze Hutu-Tutsi-Twa atari amoko nyakuri ahubwo ko ari ingirwamoko ya politiki. Ibyavuzwe ko ngo biranga ayo ngirwamoko nta shingiro bifite muri ibi bihe tugezemo. Niyo mpamvu ayo ngirwamoko agomba gucibwa.

Bimwe mu bimenyetso bigaragaza ko Hutu-Tutsi-Twa ari ingirwamoko ya politiki nabitangaje mu gitabo cyitwa: RWANDA. Imperuka y’Ubuhunzi – Inkuru Nziza y’Ubwiyunge Nyakuri cyasohotse muri Mutarama 2022.

Ni byiza ariko ko muri iyi minsi nanone, hari uruhande rw’abandi banyarwanda bamaze gusobanukirwa kandi batinyutse, bityo bakaba bivugira neza ko batakiri abahutu, abatutsi cyangwa, abatwa kuko batacyemera ko ibyo bice ari amoko nyamoko. Abo barangije kwibohora. Ndabashimira cyane. Kuko ibyo ni byo nasabaga mu kiganiro n’inyandiko nise : Nitwibohore ingoyi y’ingengabitekerezo z’ingirwamoko ya politiki, natangaje bwa mbere muri Kamena 2016. Ubwo ni bwo buryo bwiza bwo kurwanya imvugo z’urwango rushingiye kuri ayo ngirwamoko.

Hamwe n’abo banyarwanda bamaze kwibohora rero, niturwanye imvugo z’abo bashaka nanone gushoza intambara hagati y’ibyo bice by’abanyarwanda. Maze tubabwire tuti : Aho gushoza intambara ku Bahutu, Abatutsi n’Abatwa, nimwice ayo NGIRWAMOKO YA POLITIKI. 

Ni ukuvuga ngo: abo banyarwanda bari gushoza izo ntambara z’abahutu n’abatutsi, nibibohore izo ngirwamoko bafite mu mitwe no mu mitima yabo, nibibohore izo nzangano bafite, maze bice ubwo buhutu bwabo, bice ubwo bututsi bwabo, bice ubwo butwa bwabo, bave mu Nyabutatu ngirwamoko, maze izo ngengabitekerezo zubatse izo Nyabutatu bazibohore. 

Ubutumwa naha abo banyarwanda rero nababwira nti : aho kwangana hagati yanyu nk’abahutu, abatutsi n’abatwa, nimwamagane za ngengabitekerezo zubatse ya Nyabutatu ngirwamoko ya politiki. Mbisubiremo : Aho gushoza intambara ku bahutu, aho gushoza intambara ku batutsi, aho gushoza intambara ku batwa, nimwice ayo ngirwamoko ya politiki. Nimwamagane za ngengabitekerezo za politiki zagize amoko ubuhutu, ubututsi n’ubutwa kandi atari byo. Ni ibinyoma ! 

Mwakoze kuntega amatwi muri iki kiganiro, ndabasezeranya ko nzongera kubonana namwe mu bihe biri imbere. Mugire amahoro rero, ni ah’ubutaha.

Cliquer ici pour voir la vidéo.

IMPUZAMASHYIRAHAMWE YA SOSIYETE SIVILI NYARWANDA (C.A.S.C.R)

Collectif des Associations de la Société Civile Rwandaise

Collective of Rwandan Civil Society Associations

15, rue des Dardanelles, 4800 Verviers, Belgique

E-mail : ccscr.cadredeconcertation@gmail.com

ITANGAZO N° 3/CASCR/2025 rirebana n’imihango yo kwibuka abanyarwanda bazize itsembabwoko n’abandi bantu bose bakorewe ubundi bwicanyi kirimbuzi mu Rwanda mu ntambara ya 1990-1994

Banyarwandakazi, Banyarwanda,

Bakunzi b’Urwanda,

Impuzamashyirahamwe ya Sosiyete Sivili Nyarwanda (CASCR) ni umuryango udaharanira inyungu kandi utabogamiye kuri politiki y’ubutegetsi, wiyemeje gufata ingamba zo guharanira uburenganzira bw’ikiremwamuntu, demokarasi, amahoro, ubutabera n’ubwiyunge nyakuri, ubumwe bw’Igihugu, no gushaka ukuri ku mahano yabaye ku banyarwanda kugirango atibagirana.

 Ni muri urwo rwego abanyamuryango ba CASCR tuboneyeho umwanya wo kubagezaho ibitekerezo n’ingamba ku birebana n’umuhango wo kwibuka, umaze imyaka igera kuri 30, ukorwa mu buryo bw’ivangurabanyarwanda. Kubera ko hibukwa gusa Abatutsi kandi hari n’indi miryango myinshi y’andi moko y’Abahutu n’Abatwa atuye U Rwanda ndetse n’abatayiyumvamo n’abatayemera, nabo bapfushije ababo biturutse ku bwicanyi ndengakamere bwakorewe abo banyarwanda muri 1994 na mbere yaho. CASCR ishingiye ku Cyerekezo n’intego byayo (1) irasanga ubu buryo bwo kwibuka abishwe muri ayo mahano bugomba guhinduka, abanyarwanda bose ari Abatutsi, Abahutu, Abatwa n’abandi batiyumvamo cyangwa batemera ayo moko, bakagira uburenganzira bwo kwibuka ababo.

1. Icyerekezo n’intego

 Mu cyerekezo cyayo, C.A.S.C.R igamije guhuza imbaraga no gukorera hamwe kw’amashyirahamwe y’abanyarwanda atari aya politiki n’abandi bantu ku giti cyabo barimo n’abanyamahanga. Ni umuryango wiyemeza kurengera uburenganzira bw’abaturage n’inyungu zabo ; utanga ibisubizo ku bibazo birebana n’umubano, ubukungu, politiki n’umuco ku Rwanda, iby’ibanze bikaba ibyo kurangiza ubuhunzi mu bwisanzure hagamijwe kugarura ubumwe n’amahoro mu gihugu.

Iyo Mpuzamashyirahamwe ifite intego yo kworohereza abanyamuryango bayo mu kurangiza imilimo bahuriyeho. Ibyo bituma ibikorwa byabo biyoborwa neza, mu gihe cya ngombwa, bikanatanga icyizere mu buryo bwo gukora bwihuse no mu bufatanye hakoreshejwe ibiganiro bihoraho kandi binyuze mu kwizerana nk’abanyagihugu. Muri ubwo buryo, iyo mishinga iyoborwa neza mu nyungu za Rubanda rwose.

Uyu muryango urengera kandi uburenganzira bw’abanyarwanda bwo kujya mu gihugu cyabo cy’U Rwanda, kugituramo no kugisohokamo igihe bashakiye ».

Muri make, CASCR ntishobora kwihanganira akarengane akariko kose gakomeza gukorerwa umunyarwanda uwo ariwe wese. Niyo mpamvu umuhango wo kwibuka ugomba gukorwa mu buryo bubereye buri munyarwanda.

2. CASCR yongeye gusaba ko ibikorwa by’imihango yo kwibuka bitavangwamo inyungu za politiki

Abanyamuryango ba CASCR bongeye kwibutsa abayobozi ba Leta y’U Rwanda, iyobowe n’ishyaka rya FPR-Inkotanyi (Front Patriotique Rwandais), kimwe n’abanyamashyaka ya politiki ashyigikira uburyo imihango yo kwibuka imaze igihe ikorwa, ko bareka kuvanga ibikorwa bya politiki byabo n’imihango yo kwibuka. Kubera ko ubwo buryo butatanya abanyarwanda, kuko abemererwa kwibuka ababo ari Abatutsi gusa, naho abasigaye bose bakabibuzwa (Abahutu, Abatwa n’abandi batari muri ayo moko atatu).

CASCR yongeye kwibutsa ko tariki ya 26 Mutarama 2018, Inteko Rusange y’Umuryango w’Abibumbye ONU yemeje itariki ya 7 Mata nk’umunsi mpuzamahanga wo kwibuka génocide yakorewe Abatutsi mu Rwanda muw’1994, kandi yibutsa ko bamwe mu bahutu n’abandi bantu barwanyije iyo génocide nabo bishwe. Icyo cyemezo gifatwa ariko habaye impaka kuri iyo nyito ya génocide kuko bimwe mu bihugu byavuze ko ari « génocide yakorewe abanyarwanda ».

Ikibabaje ni uko hari abandi bantu batari Abatutsi nabo bazize cyangwa bakomerekejwe n’iyo génocide nkuko bivugwa muri icyo cyemezo ariko batavuzwe mu bagomba kwibukwa. Hari ndetse n’abandi bazize ubundi bwicanyi bwakorewe ayandi moko y’abahutu n’abatwa, cyangwa bushingiye kuri politiki, ku byaha by’intambara n’ibyaha byibasiye inyokomuntu, mu Rwanda n’ahandi, kandi mu bihe bitandukanye – nkuko byemejwe n’amaraporo y’Umuryango w’abibumbye ONU – ariko abo bose uwo muryango ukaba warabirengangije.

Twamaganye ubwo bwicanyi bw’itsembabwoko ryakorewe abatutsi mu Rwanda muri 1994 bazira gusa ko ari abatutsi, kandi tunamaganye n’ubundi bwicanyi bwakorewe n’andi moko y’Abahutu n’Abatwa, mu gihe cy’intambara ya 1990-1994. CASCR iboneyeho kandi umwanya wo kwamagana iterabwoba rikorerwa abavuga ukuri kw’ayo mahano y’ubundi bwicanyi bwakorewe n’abandi batari abatutsi, nk’abahutu bishwe bazira gusa ko ari abahutu. Kwibuka izo nzirakarengane zose ntabwo ari ugupfobya génocide yakorewe abatutsi nkuko bivugwa na bamwe mu bayobozi ba Leta y’u Rwanda n’indi miryango ikorana nayo.

Bityo rero, kubera impaka z’urudaca zikunze kuranga imihango yo kwibuka hagati ya bamwe mu banyarwanda batumvikana ku bibukwa bitewe n’amatariki biciweho n’impamvu z’ubwo bwicanyi; ugasanga ikiri inyuma y’izo mpaka ari inyungu za politiki n’ubushake bwo guheza andi amoko  »bahanganye » kandi nayo yariciwe, CASCR irasanga iyo myifatire itoneka imitima y’abacitse ku icumu ry’itsembabwoko n’abiciwe ababo.

3. CASCR yongeye kwamagana amahano yahekuye Urwanda n’abanyarwanda

Abanyamuryango ba CASCR twihaye kandi inshingano zo guteza imbere umuco w’ubworoherane n’ibiganiro kugirango havanweho burundu impamvu zose zigamije kurimbura ibice bimwe by’abanyarwanda no gukora ibyaha by’intambara, ibyaha byibasira inyoko-muntu n’iby’iterabwoba.

Muri ibi bihe byo kwibuka abacu batuvuyemo bazize génocide yakorewe abatutsi mu ntambara ya 1994, n’abandi bazize ubundi bwicanyi bwakorewe andi moko cyangwa impande za politiki barimo ;

Dushingiye ku byavuzwe muri aya matangazo ane twashyize ahagaragara :  »ITANGAZO N°.CCSCR/01/2017 ryo kuwa 16 Mata 2017, ITANGAZO N°02/CCSCR/2018 ryo kuwa 6 Mata 2018, UBUTUMWA N°03/CCSCR/2020 BWO MU BIHE BY’ICYUNAMO NO KWIBUKA, hamwe n’ITANGAZO N° 1/CASCR/2025 ryo kuwa 20 Gashyantare 2025 ;

Twongeye kwamagana izo ntambara n’ubwo bwicanyi bwahekuye U Rwanda bugahitana inzirakarengane nyinshi ; twifatanyije mu kababaro n’imiryango y’abishwe n’abarokotse ayo mahano ndengakamere, tubafashe mu mugongo kandi twihanganishije n’abandi bakomerekejwe nayo.

Tuributsa ko ubuzima bw’umuntu bufite ubudahangarwa butangwa n’Imana, bushimangirwa n’amategeko y’U Rwanda ndetse n’amategeko mpuzamahanga arengera ikiremwamuntu, bityo Leta ikaba ifite inshingano yo kwubahiriza ayo mategeko.

Niyo mpamvu abanyamuryango ba CASCR twongeye kwibutsa dushimangira ibi byemezo byafatiwe mu manama y’inteko rusange anyuranye, kandi biri no muri ayo matangazo yasohotse tuvuze aho haruguru :

1° Umuhango wo Kwibuka uhuriweho n’abanyarwanda bose nta vanguramoko

Abanyamuryango ba CASCR twongeye gusaba Leta y’U Rwanda guhagarika ibikorwa byose birimo ivangura rishingiye ku mihango yo kwibuka gusa abazize amahano ya Génocide yakorewe abatutsi muri 1994. Buri munyarwanda uri mu gihugu, cyangwa hanze yacyo, yaba Umuhutu, Umututsi, Umutwa cyangwa undi wese utiyumvamo ayo moko, bose bagomba guhabwa umwanya wo kwibuka ababo, kandi bigakorwa mu bwisanzure n’ubutabera, ntawe urenganye.

2° Ibikorwa by’imihango yo kwibuka bitanzemo politiki

Ibikorwa by’imihango yo KWIBUKA bigomba kutavangwamo inyungu za politiki, buri wese akwumva akababaro k’undi, tukibuka twiyubaka, mu bwubahane, ntawe ukomeretsa undi, duha icyubahiro abacu twabuze, kandi twubaka ubumwe n’ubwiyunge bw’abanyarwanda.

3° Imihango yo kwibuka yateguwe n’abarokotse ubwicanyi

Abarokotse ubwo bwicanyi n’imiryango yabo bo mu bice byose by’abanyarwanda, ni bo bakwiye guhabwa umwanya wa mbere, bakaba ari bo bategura ibikorwa by’iyo mihango yo kwibuka ababo uko babyifuza, amashyirahamwe atabogamiye kuri politiki hamwe n’amadini akabashyigikira.

4° Uburenganzira n’ubwisanzure ku mihango yo kwibuka kuri bose

Ntihagomba kubaho abanyarwanda babuzwa kwibuka ababo. CASCR irasaba abayobozi ba Leta y’U Rwanda kutabogama muri iyo mihango kuko itoneshwa rya bamwe ari ryo ryagiye riba intandaro y’inzagano n’ubwicanyi hagati y’abavandimwe b’abanyarwanda.

5° Guhitamo itariki y’umuhango rusange wo kwibuka idafite impamvu ya politiki

Itariki y’umuhango rusange wo kwibuka ntiyagombye guhabwa impamvu cyangwa ifatizo byihariye kugirango uwo muhango utaba uwa politiki. Urugero : ihanurwa ry’indege y’umukuru w’igihugu, ahantu ubwicanyi bwabereye, intangiriro cyangwa iherezo ry’ubwicanyi ubu n’ubu, n’ibindi. Uwo munsi waba uwo kwibuka no gusengera inzirakarengane z’amateka mabi U Rwanda rwanyuzemo.

Mu gusoza, CASCR irahamagarira Abanyarwanda bose, hatitawe ku bwoko n’inkomoko, hamwe n’inshuti z’U Rwanda, guhurira hamwe mu bikorwa byose bigaragaza ukuri n’ubutabera. Kuba dusangiye amateka bidusaba kwibuka abacu kimwe, nk’abavandimwe, tukwumva akababaro k’abahohotewe, dushimangira ubumwe n’ubwiyunge nyakuri mu gihugu cyacu. Umuntu ni nk’undi : abantu bose bavuka bafite ubwisanzure n’uburinganire mu gaciro n’uburenganzira byabo (ingingo ya 1 y’Itegeko-ngenga ry’uburenganzira bwa muntu).

Bikorewe mu Bubiligi kuwa 11 Gicurasi 2025

MW’IZINA RY’INAMA Y’UBUYOBOZI YA CASCR

MUSOMESHA Aloys, umuyobozi mukuru

ABANYAMURYANGO

1. Initiative HUMURA (Belgique) 2. CLIIR : Centre de Lutte contre l’Impunité et l’Injustice au Rwanda (Belgique) 3. Projet-DVJP: Projet pour la Réconciliation par le Droit, la Vérité, la Justice et le Pardon (Belgique) 4. RIPRODHOR : Réseau International pour la Promotion et la Défense des Droits de l’Homme au Rwanda (France) 5. Justice et Réconciliation, ASBL (Belgique) 6. Stichting Tolerantie Benimpuhwe (Pays-Bas) 7. Global Campaign for Rwandan’s Human Rights (Royaume-Uni) 8. IBUKABOSE RENGERABOSE (France) 9. LECP : Liberté, Expression, Culture et Paix (France) 10. RDTJ : Rwandan Platform for Dialogue, Truth, and Justice (Afrique du Sud) 11. VGRR : Global Voice of Rwandan Refugees (Afrique du Sud) 12. Activiste 1: HAVUGIMANA Pierre Célestin (Belgique) 13. Activiste 2 : AKAYEZU MUHUMUZA Valentin (Pays-Bas) 14. Activiste 3: MPORAMUSANGA Jean-Népomuscène (Belgique).

Collectif des Associations de la Société Civile Rwandaise

Impuzamashyirahamwe ya Sosiyete Sivili Nyarwanda

15, rue des Dardanelles, 4800 Verviers, Belgique

E-mail : ccscr.cadredeconcertation@gmail.com

PRESS RELEASE No. 2/CASCR/2025

SUBJECT : CONDEMNATION OF THE MURDERS COMMITTED BY THE RWANDA DEFENSE FORCES (RDF) IN ASSOCIATION WITH THOSE OF THE M23 TERRORIST MOVEMENT AGAINST CONGOLESE PEOPLE AND RWANDAN REFUGEES IN THE DEMOCRATIC REPUBLIC OF CONGO (DRC) SINCE 1994.

We, members of the COLLECTIVE OF RWANDAN CIVIL SOCIETY ASSOCIATIONS (CASCR), are saddened by the large-scale killings and other human rights violations committed by the Rwandan Defense forces in association with the M23 terrorist movement against the people of the Democratic Republic of Congo (DRC) and Rwandan refugees who have fled to that country since 1994, and we strongly condemn these crimes.

1. Condemnation of crimes against all victims in the DRC

These military forces have already taken control of major cities in the east, including Sake, Goma, and Bukavu, and intend to attack other neighbouring towns, their primary objective being to exterminate the local population who have been victims of these atrocities. In these massacres, they have continued to target innocent Rwandan refugees, misleading the international community into believing that they are pursuing them as criminals of the FDLR¹ group who committed the genocide against the Tutsi in Rwanda, as reported by spokespersons for the authorities in that country.

As residents of these regions continue to denounce them through social media and various media outlets, these crimes are confirmed by various documented reports from human rights and peacekeeping organizations, UN experts and affiliated organizations, as well as by the DRC government. All these reportsgenerally show that many people living in these areas were exterminated and that in the Goma region alone, more than 3,000 people were killed and more than 70,000 were displaced (Schwikowski, 2025)²

These reports also reveal that these Rwandan state military (RDF) and M23 soldiers not only killed people, but also raped women, forcibly disappeared most of the men who refused to join their troops and even looted their property to Rwanda. In the areas they occupied, these soldiers also confiscated the land of the inhabitants to settle the families of their relatives and other people who agreed or were forced to submit to them.

2. Outrage at the lack of protection for Rwandan refugees in the DRC

Furthermore, we are still saddened by the fact that international organizations such as the UN itself, its refugee agency (UNHCR)³, and other human rights organizations operating in this region, refuse to publicly report the atrocities committed against these Rwandan refugees in particular. We continue to wonder why they continue to turn a blind eye and remain silent! Why are the laws that protect other refugees around the world not being used for these helpless Rwandan refugees, as if they should be deprived of their rights to protection?

Indeed, it turned out that these killers had already committed all these massacres in the areas they occupied, but after taking the cities of Goma and Bukavu, they immediately hunted down the Rwandan refugees who had fled into the forests. Apart from a few reports on various social media platforms and from the Red Cross showing photos of the many bodies of people murdered in these areas and disrespectfully buried, these organizations have not published anything else on this matter.

The United Nations (UN) has a mission to preserve peace and protect the rights of all people, whether in their homeland or as refugees in another country, without discrimination. Its role in the Democratic Republic of the Congo (DRC) is not merely to observe massacres but to intervene and ensure that these refugees are not killed by these forces without being worried.

Given that to this day, these crimes continue to be committed against Congolese and Rwandan refugees, we take this opportunity to remind and call on the United Nations (UN), other organizations operating in the eastern region of the DRC and countries committed to peace there, not to ignore that Rwandan refugees need security and well-being like all other refugees in the world, in accordance with international law relating to their protection. As security in Rwanda is still far from assured, these refugees cannot voluntarily return to their homeland, especially since they continue to be intimidated by Rwandan leaders who treat them as enemies of the country instead of correcting their poor governance.

3. Demands of the Collective of Rwandan Civil Society Associations (CASCR)

For all these serious reasons related to the continued extermination of innocent people in the Democratic Republic of Congo and Rwandan refugees living in the aforementioned areas:

1°. The CASCR calls on States and International organizations to compel the Rwandan government and the M23 to cease the war, to stop invading and violating the sovereignty of the Republic of Congo (DRC), to put an end to the acts of massacre, looting, and destruction of state infrastructure that endanger the security of the Congolese people, Rwandan refugees, and the environment, and to ensure that the perpetrators of these crimes are held accountable so that security can return to this country.

2° The CACSR welcomes the progress made, the decisions and resolutions taken by international and regional organizations, notably the AU, the EAC, SADC, as well as by the countries that have taken measures to restore lasting peace in the region, without bias, by mobilizing the necessary resources to assist the victims of these criminal acts.

3° The CASCR specifically requests :

• The United Nations (UN) and other human rights organizations operating in the DRC to continue investigating the crimes committed by the RDF and M23 forces against these innocent people (Congolese and Rwandan refugees) so that all perpetrators are brought to justice and punished, primarily the senior leaders of these troops.

• The Congolese government to continue to ensure the safety of the Rwandan refugees it has hosted since 1994, when they fled massacres by the Rwandan Patriotic Front (RPF) forces; while gratefully acknowledging the measures it has already taken to protect these refugee rights in accordance with international humanitarian law.

• The forces of the United Nations Mission in the Democratic Republic of the Congo (MONUSCO) and the SADC countries, including Tanzania, South Africa, Malawi, and Burundi, which are in the Democratic Republic of the Congo; to continue their humanitarian efforts aimed at restoring peace in this country and the Great Lakes region, and to cooperate in protecting Rwandan refugees and mistreated Congolese citizens who continue to be killed.

• To civil society organizations and activists campaigning for the defence of human rights around the world (such as the Civil Society of South Kivu in the DRC and civil society in Rwanda), to support our initiative by also condemning this grave injustice that citizens of the Democratic Republic of Congo and Rwandan refugees in this country have been victims of since 1994.

                                                                                 Done in Belgium on March, 20^th 2025

                                                                                  CASCR BOARD OF DIRECTORS⁴

MEMBERS

1) Initiative HUMURA (Belgique) 2) CLIIR : Centre de Lutte contre l’Impunité et l’Injustice au Rwanda (Belgique) 3) Projet-DVJP: Projet pour la Réconciliation par le Droit, la Vérité, la Justice et le Pardon (Belgique) 4) RIPRODHOR : Réseau International pour la Promotion et la Défense des Droits de l’Homme au Rwanda (France) 5) Justice et Réconciliation, ASBL (Belgique) 6) Stichting Tolerantie Benimpuhwe (Pays-Bas) 7) Global Campaign for Rwandan’s Human Rights (Royaume-Uni) 8) IBUKABOSE RENGERABOSE (France) 9) LECP : Liberté, Expression, Culture et Paix (France) 10) RDTJ : Rwandan Platform for Dialogue, Truth, and Justice (Afrique du Sud) 11) VGRR : Global Voice of Rwandan Refugees (Afrique du Sud) 12) Activiste 1: HAVUGIMANA Pierre Célestin (Belgique) 13) Activiste 2 : AKAYEZU MUHUMUZA Valentin (Pays-Bas) 14) Activiste 3 : MPORAMUSANGA Jean-Népomuscène (Belgique).